टोळक्याविरुद्ध गु्न्हा
marathinews24.com
पुणे – वादातून टोळक्याने एका युवकाला बेदम मारहाण केल्याची घटना कोथरूड भागात घडली. याप्रकरणी पाच जणांविरुद्ध पोलिसांनी गुन्हा दाखल केला. याबाबत एका युवकाने कोथरूड पोलीस ठाण्यात फिर्याद दिली आहे. त्यानुसार पाच जणांविरुद्ध गुन्हा दाखल करण्यात आला आहे.
परिचारिकेशी अश्लील कृत्य प्रकरणी डाॅक्टरविरुद्ध गुन्हा – सविस्तर बातमी
पोलिसांनी दिलेल्या माहितीनुसार, तक्रारदार युवक अल्पवयीन आहे. तक्रारदार युवकाचा एका मित्राशी वाद झाला होता. मित्राने त्याला शनिवारी (२९ नोव्हेंबर) सायंकाळी साडेसातच्या सुमारास कोथरूडमधील सुतारदरा परिसरात बोलावून घेतले. त्यानंतर मित्र आणि साथीदारांनी युवकाला पट्ट्याने मारहाण केली. युवकाच्या डोक्यात एका आरोपीने गज मारला. मारहाणीत युवक जखमी झाले. या घटनेनंतर टोळके पसार झाले. सहायक पोलीस निरीक्षक कदम तपास करत आहेत.
