स्वारगेट पोलिसांची कामगिरी
marathinews24.com
पुणे – पिस्तूल बाळगून फिरणार्या सराईताला स्वारगेट पोलिसांनी अटक केली आहे. त्याच्याकडून देशी बनावटीचे पिस्तूल आणि मॅगझीनमधील दोन काडतुसे असा शस्त्रसाठा जप्त केला आहे. विनोद चंदर शिंदे (वय ३१ रा. बुरूडगाव, अहिल्यानगर) असे अटक केलेल्याचे नाव आहे. त्याच्याविरूद्ध भारतीय हत्यार व कलमासह महाराष्ट्र पोलीस कायदा व कलमानुसार स्वारगेट पोलीस ठाण्यात गुन्हा दाखल करण्यात आला आहे.
तरुणाला शेअर मार्केटमधील गुंतवणूक पडली १७ लाखांना – सविस्तर बातमी
कायदा सुव्यवस्थेच्या अनुषंगाने स्वारगेट पोलीस १० एप्रिलला सकाळच्या सुमारास एसटी स्टॅडसह सारसबाग परिसरात पेट्रोलिंग करीत होते. त्यावेळी तपास पथकातील अमलदार सागर केकाण आणि सुजय पवार यांना पिस्तूल बाळगणार्या सराईताची माहिती मिळाली. त्यानुसार पथकाने आदमबाग परिसरात विनोद शिंदे याला ताब्यात घेतले. त्याच्याकडून पिस्तूल, दोन काडतुसे असा शस्त्रसाठा जप्त केला. ही कामगिरी पोलीस उपायुक्त मिलींद मोहिते, एसीपी धन्यकुमार गोडसे, वरिष्ठ निरीक्षक यशवंत निकम, पोलीस निरीक्षक विकास भारमळ, एपीआय अभिजीत पाटील, सागर केकाण, शिंदे, मोराळे, टोणपे यांनी केली.
