धायरी परिसरातील घटना
marathinews24.com
पुणे – भरधाव दुचाकीस्वाराने दिलेल्या धडकेत दुसरा दुस्वाकीचालक गंभीररित्या जखमी झाला होता. उपचारादरम्यान त्याचा मृत्यू झाल्याची घटना १० जूनला रात्री नउच्या सुमारास धायरी ते धनगरवस्तीकडे जाणार्या रस्त्यावरील आर्टिको लिफ्टस प्रायव्हेट लिमीटेड कंपनीसमोर झाला आहे.
रिक्षा पार्किंगच्या वादात रिक्षाचालकांनी केला वार – सविस्तर बातमी
याप्रकरणी नांदेड सिटी पोलिसांनी अज्ञात दुचाकीस्वाराविरूद्ध गुन्हा दाखल केला आहे. लालबिहारी मनराज मौर्य (वय ५५ रा. धनगरवस्ती धायरी) असे ठार झालेल्या दुचाकीस्वाराचे नाव आहे. याप्रकरणी त्यांच्या मुलीने नांदेडसिटी पोलीस ठाण्यात फिर्याद दाखल केली आहे.पोलिसांनी दिलेल्या माहितीनुसार, लालबिहारी मौर्य हे धायरीतील धनगर वस्ती परिसरात राहायला आहे. १० जूनला रात्री नउच्या सुमारास ते आर्टिको लिफ्टस प्रायव्हेट लिमीटेड कंपनीसमोरून घरी जात होते.
त्यावेळी अज्ञात दुचाकीस्वाराने त्यांना पाठीमागून धडक दिली. त्यामुळे खाली पडल्यामुळे लालबिहारी गंभीररित्या जखमी झाले. उपचारादरम्यान त्यांचा मृत्यू झाल्याचे डॉक्टरांनी घोषित केले. याप्रकरणी पोलीस उपनिरीक्षक रामदास देडगे तपास करीत आहेत. दरम्यान, मागील काही दिवसांपासून बेदरकार वाहन चालकांमुळे सर्वसामान्य नागरिकांना विनाकारण जीवाला मुकावे लागत आहे. त्यामुळे चिंता व्यक्त केली जात आहे.
