सायबर चोरट्यांविरूद्ध अलंकार पोलीस ठाण्यात गुन्हा दाखल
marathinews24.com
पुणे – प्रीपेड टास्क पुर्ण करण्याच्या नादात अलंकार परिसरात राहणार्या ५२ वर्षीय व्यक्तीने तब्बल २० लाख १६ हजार रूपये गमावले आहेत. सायबर चोरट्यांनी त्यांना अवघ्या तीन दिवसांत गंडा घातला आहे. ही घटना ३ ते ६ डिसेंबर २०२५ मध्ये घडली आहे. याप्रकरणी सायबर चोरट्यांविरूद्ध अलंकार पोलीस ठाण्यात गुन्हा दाखल करण्यात आला आहे.
वाघोलीत घरातून पावणेतीन लाखांचे दागिने चोरीला – सविस्तर बातमी
पोलिसांनी दिलेल्या माहितीनुसार, तक्रारदार हे अलंकार परिसरात राहायला असून, ३ डिसेंबरला सायबर चोरट्यांनी त्यांना फोन केला. वेगवेगळे प्रीपेड टास्क देउन ते पुर्ण करण्यासाठी पैसे पाठवण्यास भाग पाडले. अवघ्या तीन दिवसांत तक्रारदाराने तब्बल २० लाख १६ हजार रूपये संबंधितांच्या बँकखात्यात वर्ग केले. त्यानंतर मात्र त्यांना परतावा मिळाला नाही. फसवणूक झाल्याचे लक्षात आल्यानंतर तक्रारदाराने पोलीस ठाण्यात धाव घेतली. याप्रकरणी वरिष्ठ पोलीस निरीक्षक रोकडे तपास करीत आहेत.
