कोथरूड पोलीस ठाण्यात गुन्हा दाखल
marathinews24.com
पुणे – शेअर मार्केटमध्ये गुंतवणूक केल्यास जादा परतावा मिळवून देण्याचे आमिष दाखवून सायबर चोरट्यांनी एकाला तब्बल २३ लाख ७६ हजारांचा ऑनलाईन गंडा घातला आहे. ही घटना जुलै ते १५ ऑक्टोबर कालावधीत कोथरूडमध्ये घडली आहे. याप्रकरणी कोथरूड पोलीस ठाण्यात गुन्हा दाखल करण्यात आला आहे.
थेउरमध्ये कुटूंबियाला बेदम मारहाण, तिघांविरूद्ध गुन्हा – सविस्तर बातमी
पोलिसांनी दिलेल्या माहितीनुसार, तक्रारदार हे कोथरूडमध्ये राहायला असून, १० जुलैला सायबर चोरट्यांनी त्यांना फोन करून शेअर ट्रेडींग कंपनीचे एजंट असल्याची बतावणी केली. तक्रारदाराचा विश्वास संपादित केल्यानंतर संबंधिताने त्यांना गुंतवणूक करण्यासाठी सांगितले. शेअर मार्वेâटमध्ये गुंतवणूक केल्यास चांगला परतावा देण्याचे सांगितले. त्यानुसार अवघ्या तीन महिन्यांत तक्रारदाराने तब्बल २३ लाख ७६ हजार रूपयांची गुंतवणूक केली. मात्र, त्यांना परतावा मिळाला नसल्यामुळे फसवणूक झाल्याचे लक्षात आले. याप्रकरणी पोलीस निरीक्षक अनिल माने तपास करीत आहेत.
बँकेचा अॅक्सेस घेउन पावणेपाच लाखांचा गंडा
मोबाइल कस्टमर केअरला फोन करून आरोपीने तक्रारदार तरूणाचा मोबाइल क्रमांक बंद केला. त्यानंतर तोच क्रमांक पुन्हा स्वतःच्या नावाने सुरू करून तक्रारदाराच्या बँकखात्यातचा अॅक्सेस घेतला. त्यानंतर तक्रारदाराच्या बँकखात्यातून ऑनलाईनरित्या तब्बल ४ लाख ६३ हजारांची रक्कम वर्ग करून घेत फसवणूक केली आहे. याप्रकरणी वरिष्ठ पोलीस निरीक्षक अतुल भोस तपास करीत आहेत.
