कार्यशाळा उत्साहात संपन्न
marathinews24.com
पुणे – राष्ट्रीय नमुना सर्वेक्षणचा ७५ वा वर्धापन दिनानिमित्त NSO, FOD, MOSPI व अर्थ व सांख्यिकी संचालनालय, मुंबई यांच्या संयुक्त विद्यमाने जिल्हा परिषद, बी विभाग, ४ था मजला येथे कार्यशाळेचे आयोजन करण्यात आले. या कार्यशाळेस अप्पर जिल्हाधिकारी सुहास मापारी, जिल्हा परिषदेचे अधिकारी, महसूल, कृषी व सहकार विभागतील मान्यवर , अर्थ व सांख्यिकी संचालनालय, प्रादेशिक कार्यालय पुणे कार्यालयातील अधिकारी व कर्मचारी तसेच विविध शासकीय विभागातील अधिकारी व कर्मचारी उपस्थित होते.
माहिती मागण्याची गरज पडू नये अशी व्यवस्था निर्माण व्हावी- ॲड. प्रल्हाद कचरे – सविस्तर बातमी
कार्यशाळेचे उद्घाटन अप्पर जिल्हाधिकारी सुहास मापारी यांच्या हस्ते झाले. त्यांनी आपल्या मार्गदर्शनपर भाषणात शासकीय कामकाजामध्ये माहिती आधारित निर्णय घेण्याचे व लोककल्याणासाठी उपयुक्त ठरणाऱ्या योजनांच्या प्रभावी अंमलबजावणीसाठी सांख्यिकी विभागाच्या कार्याची महत्त्वपूर्ण भूमिका अधोरेखित केली.
उपसंचालक, जिल्हा सांख्यिकी कार्यालय पुणे, श्रीमती प्रियंका बोकील यांनी राज्यातील व जिल्हास्तरावरील सांख्यिकी कार्यालयांच्या कार्याची माहिती दिली. तसेच सार्वजनिक जनजागृतीसाठी विविध योजनांतर्गत उपयुक्त ठरणाऱ्या आकडेवारीचे महत्व त्यांनी स्पष्ट केले.
सहसंचालक, NSO, प्रादेशिक कार्यालय, पुणे डॉ. रूही कुलकर्णी यांनी राष्ट्रीय नमुना सर्वेक्षणचे महत्व स्पष्ट केले.तसेच अर्थ व सांख्यिकी संचालनालयाचे सहसंचालक सुनिल जाधव यांनी नागरिकांमध्ये जागरूकता वाढविण्याची आवश्यकता असल्याचे सांगून उपस्थित अधिकारी व कर्मचारी यांना मार्गदर्शन केले.
यावेळी ‘कामगार शक्ती सर्वेक्षण ‘असंघटित क्षेत्रातील वार्षिक सर्वेक्षण व ‘कृषी सांख्यिकी –योजना’ या विषयांवर मार्गदर्शन करण्यात आले. कार्यशाळेच्या समारोपप्रसंगी उपसंचालक , अर्थ व सांख्यिकी संचालनालय सुप्रिया हजारे यांनी आभार प्रदर्शन केले.
