योजनेअंतर्गत 17 सप्टेंबर ते 16 ऑक्टोबर 2025 या कालावधीत होणार साजरा
marathinews24.com
पुणे – एकात्मिक बाल विकास सेवा योजनेअंतर्गत 17 सप्टेंबर ते 16 ऑक्टोबर 2025 या कालावधीत आठवा राष्ट्रीय पोषण महिना साजरा करण्यात येणार असून यासाठी सहा महत्त्वपूर्ण विषय निश्चित करण्यात आलेले आहेत.
तीनचाकी मालिकेतील आकर्षक क्रमांक तीनपट शुल्क भरुन चारचाकीसाठी राखून ठेवता येणार – सविस्तर बातमी
लठ्ठपणा नियंत्रण साखर व तेलाचे सेवन कमी करणे, प्रारंभिक बालसंगोपन व शिक्षण-पोषण भी पढ़ाई भी, एक पेड मा के नाम, बालक व लहान मुलांच्या आहार पद्धती, बाबा पालकांचा सहभाग, लोकल इज होकल. संकल्पनेनुसार जनजागृती करण्यात येणार आहे. नागरिकांच्या वर्तनात सकारात्मक बदल घडवून आणण्यासाठी आणि पोषण माह लोकचळवळीत रुपांतरित करण्यासाठी पुणे शहरातील आयसीडीएस प्रकल्पांतर्गत हे मेळावे अंगणवाडी केंद्रे, शाळा तसेच महापालिकेच्या सार्वजनिक बागांमध्ये घेण्यात येणार आहेत.
मेळाव्यात मुलांसाठी खेळांद्वारे मार्गदर्शन तर पालकांसाठी योग्य पालकत्त्व व बालसंगोपनाचे प्रशिक्षण दिले जाणार आहे. या कार्यक्रमाचे विशेष आकर्षण म्हणजे बाबा-पालकांचा सक्रिय सहभाग, ज्यामुळे मुलांचा आत्मविश्वास, मेंदूचा विकास आणि कुटुंबातील नातेसंबंध अधिक सक्षम होतील.
पोषण महिना हा फक्त सरकारी कार्यक्रम न राहता प्रत्येक घराघरात रुजावा ही या मागील संकल्पना आहे. योग्य आहार, खेळ, प्रेमळ संवाद आणि संयुक्त संगोपन हीच मुलांच्या आनंदी व निरोगी भविष्यासाठी खरी पायाभरणी असल्याचा संदेश या उपक्रमातून दिला जाणार आहे, अशी माहिती मनीषा बिरारीस बाल विकास प्रकल्प अधिकारी पुणे उत्तर यांनी दिली आहे.
