कोरेगाव पार्क पोलीस ठाण्यात गुन्हा दाखल
marathinews24.com
पुणे – पीएमपी वाहक महिलेला शिवीगाळ करुन शासकीय कामात अडथळा आणल्या प्रकरणी एका प्रवाशाविरुद्ध कोरेगाव पार्क पोलिसांनी गुन्हा दाखल केला. धीरज रामचंद्र ब्रिजवासी (वय ३२, रा. चंदननगर) असे गुन्हा दाखल केलेल्याचे नाव आहे. पीएमपी वाहक महिलेने कोरेगाव पार्क पोलीस ठाण्यात फिर्याद दिली आहे.
पाेलीस शिपायाला शिवीगाळ प्रकरणी गुन्हा – सविस्तर बातमी
पोलिसांनी दिलेल्या माहितीनुसार, कोरेगाव पार्क भागातून पीएमपी बस सोमवारी (२९ सप्टेंबर) सायंकाळी साडेसातच्या सुमारास निघाली होती. त्यावेळी आरोपी ब्रिजवासीने धावत्या बसमध्ये प्रवेश केला. पीएमपी वाहक महिलेने त्याला ‘धावत्या बसमध्ये प्रवेश करणे चुकीचे आहे. जीवावर बेतू शकते’, असे सांगितले. ब्रिजवासीने वाहक महिलेशी प्रवाशांसमोर बसमध्ये वाद घालण्यास सुरुवात केली. वाहक महिलेला शिवीगाळ करुन धक्काबुक्की केली. त्यानंतर पीएमपी बस चालकाने बस कोरेगाव पार्क पोलीस ठाण्यात नेली. ब्रिजवासीविरुद्ध गुन्हा दाखल करुन त्याला ताब्यात घेण्यात आले. पोलिसांनी त्याला नोटीस बजाविली आहे. पोलीस उपनिरीक्षक माळी तपास करत आहेत.
