मंडईतील घटना
marathinews24.com
पुणे – दसऱ्यानिमित्त खरेदीसाठी आलेल्या महिलेच्या गळ्यातील ६० हजारांचे मंगळसूत्र चोरट्यांनी लांबविल्याची घटना महात्मा फुले मंडई परिसरात घडली.
महिलेने विश्रामबाग पोलीस ठाण्यात फिर्याद दिली आहे. चोरट्यंविरुद्ध गुन्हा दाखल करण्यात आला आहे.
शहरात वेगवेगळ्या अपघातात दाेन महिलांसह तिघांचा मृत्यू – सविस्तर बातमी
पोलिसांनी दिलेल्या माहितीनुसार, तक्रारदार महिला शिवाजीनगर गावठाण भागात राहायला आहेत. त्या दसऱ्यानिमित्त महात्मा फुले मंडई परिसरात बुधवारी (१ ऑक्टोबर) दुपारी दीडच्या सुमारास खरेदीसाठी आल्या हाेत्या. हुतात्मा बाबू गेणू चौकात त्या फुले खरेदी करत होत्या. त्या वेळी तेथे गर्दी होती. गर्दीत चोरट्यांनी महिलेच्या गळ्यातील ६० हजारांचे मंगळसूत्र लांबविले. मंगळसूत्र चोरीला गेल्याचे लक्षात आल्यानंतर महिलेने पोलिसांकडे तक्रार दिली. पोलीस कर्मचारी गोंजारी तपास करत आहेत.
नवरात्रोत्सवात महिलांकडील दागिने लांबविण्याच्या घटना वाढल्या. खराडी, वडगाव शेरी, बालेवाडी भागात महिलांकडील दागिने हिसाकावून नेण्याच्या घटना नुकतीच घडली.
