डेक्कन पोलीस ठाण्यात गुन्हा दाखल
marathinews24.com
पुणे – टेलीकॉम विभागातून बोलत असल्याची बतावणी करीत सायबर चोरट्यांनी ७९ वर्षीय नागरिकाला तब्बल १७ लाखांचा गंडा घातला आहे. ही घटना १२ ते १९ डिसेंबर २०२५ कालावधीत शिवाजीनगरमध्ये घडली आहे. याप्रकरणी जेष्ठ नागरिकाने डेक्कन पोलीस ठाण्यात फिर्याद दाखल केली आहे. त्यानुसार मोबाइल धारकासह बँकखातेधारकाविरूद्ध गुन्हा दाखल केला आहे.
जेष्ठाला अटक करण्याची घातली भीती, ३६ लाखांचा गंडा – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक शिवाजीनगर परिसरात राहायला असून, १२ डिसेंबरला सायबर चोरट्यांनी त्यांना फोन केला. टेलीकॉम विभागातून बोलत असल्याची बतावणी करीत, तुमच्याविरूद्ध मनी लॉड्रींगची केस असल्याचे सांगितले. त्यानंतर सायबर चोरट्याने तक्रारदाराचा विश्वास संपादित करून त्यांना पैसे पाठवण्यास सांगितले. तब्बल १७ लाख रूपये पाठवल्यानंतर जेष्ठाला फसवणूक झाल्याचे लक्षात आले. त्यानंतर त्यांनी पोलीस ठाण्यात धाव घेत तक्रार दाखल केली आहे. याप्रकरणी वरिष्ठ पोलीस निरीक्षक गिरीषा निंबाळकर तपास करीत आहेत.
शेअर मार्केटमधील गुंतवणूक पडली १५ लाखांना
शेअर ट्रेडींग कंपनीत गुंतवणूक केल्यास चांगला परतावा मिळवून देतो, अशी बतावणी करीत सायबर चोरट्याने ४६ वर्षीय नागरिकाला १५ लाख १० हजारांचा गंडा घातला आहे. ही घटना २ ते २८ ऑक्टोबर २०२५ कालावधीत आनंद भवनात घडली आहे. सायबर चोरट्याने तक्रारदाचा विश्वास संपादित केल्यानंतर त्यांना रक्कम पाठवण्यास भाग पाडले. याप्रकरणी पोलीस निरीक्षक किरण गायकवाड तपास करीत आहेत.
