खडक पोलिसांकडून तिघांविरुद्ध गुन्हा दाखल
marathinews24.com
पुणे – व्यावसायासाठी बँकेकडून कर्ज मिळवून देण्याच्या आमिषाने व्यावसायिकाची ५१ लाख रुपयांची फसवणूक करण्यात आल्याचा प्रकार उघडकीस आला. याप्रकरणी खडक पोलिसांकडून तिघांविरुद्ध गुन्हा दाखल करण्यात आला. आदित्य मोहन रेळेकर (वय ३४, रा. धनकवडे पाटील टाऊनशिप, बालाजीनगर, पुणे-सातारा रस्ता), करण विजय इजंतकर (वय ३२, रा. मेट्रो ग्रीन सोसायटी,टिळेकरनगर, कात्रज-काेंढवा रस्ता), श्रीनिवास पांडुरंग बकरे (वय ४७, रा. गुलाबनगर, धनकवडी, मूळ रा. देवाळी, ता. माणगाव, जि. रायगड) अशी गुन्हा दाखल केलेल्यांची नावे आहे. याबाबत व्यावसायिकाने खडक पोलीस ठाण्यात फिर्याद दिली आहे.
शिवाजीनगरमध्ये मंदिरातून चांदीचा मुकुट चोरीला – सविस्तर बातमी
पोलिसांनी दिलेल्या माहितीनुसार, तक्रारदार व्यावसायिक आहेत. ते मार्केट यार्ड भागात राहायला असून, शुक्रवार पेठेत त्यांचे दुकान आहे. आरोपींशी त्यांची गेल्या वर्षी ओळख झाली होती. त्या वेळी आरोपींनी बँकेकडून व्यवसायासाठी कर्ज मिळवून देतो, असे आमिष त्यांना दाखविले होते. चोरट्यांनी त्यांच्याकडून कर्ज मंजुरी, तसेच कागदपत्रांची पूर्तता करण्यासाठी वेळोवेळी ५१लाख रुपये घेतले. त्यांना कर्ज मिळवून दिले नाही. फसवणूक झाल्याचे लक्षात आल्यानंतर त्यांनी नुकतीच पोलिसांकडे तक्रार दिली. सहायक पोलीस निरीक्षक व्हटकर तपास करत आहेत.
