चोरट्यांविरुद्ध गुन्हा दाखल
marathinews24.com
पुणे – मंदिराचा दरवाजा उचकटून चोरट्यांनी ३० हजारांचा चांदीचा मुकुट चाेरून नेल्याची घटना घडली. याप्रकरणी शिवाजीनगर पोलिसांनी चोरट्यांविरुद्ध गुन्हा दाखल केला.याबाबत एकाने शिवाजीनगर पोलीस ठाण्यात फिर्याद दिली आहे. त्यानुसार चोरट्यांविरुद्ध गुन्हा दाखल करण्यात आला आहे.
लूटमारीच्या तयारीतील चोरट्यांची टोळी गजाआड – सविस्तर बातमी
पोलिसांनी दिलेल्या माहितीनुसार, शिवाजीनगर गावठाण परिसरात मांढरदेवी काळूबाई मंदिर आहे. शुक्रवारी मध्यरात्री चोरट्यांनी मंदिराचा दरवाजा उचकटून आत प्रवेश केला. चोरट्यांनी मंदिरातून देवीचा चांदीचा मुकुट चोरून नेल्याची घटना उघडकीस आली. पाेलीस उपनिरीक्षक अजित बढे तपास करत आहेत.
धायरीतील रायकळ मळा भागात असलेल्या एका आईस्क्रीम दुकानातून चोरट्यांनी गल्ल्यातील रोकड आणि मोबाइल संच असा ३८ हजार रुपयांचा मुद्देमाल लांबविल्याची घटना उघडकीस आली. याबाबत एकाने नांदेडसिटी पोलीस ठाण्यात फिर्याद दिली आहे. पोलिसांनी दिलेल्या माहितीनुसार, रायकर मळा परिसरातील एका इमारतीत तक्रारदाराचे आईस्क्रीम पार्लर आहे. चोरट्यांनी दुकानाचा दरवाजा उचकटून आत प्रवेश केला. गल्ल्यातील रोकड आणि मोबाइल संच असा मुद्देमाल लांबविल्याचा प्रकार उघडकीस आला. पोलीस उपनिरीक्षक जया सोनटक्के तपास करत आहेत.
