पोलिसांच्या पथकाने सापळा लावून केली अटक
maratinews24.com
पुणे – मुंबई-बंगळुरू बाह्यवळण मार्गावर लूटमार करण्याच्या तयारीत असलेल्या चाेरट्यांच्या टोळीला गुन्हे शाखेने गजाआड केली. दरी पूल परिसरात ही कारवाई करण्यात आली. समीर नामदेव काळे (वय १९ ), निवृत्ती संजय जाधव (वय २०), पियूष अमोल जगताप (वय १९), सिद्धेश गणेश फाटक (वय २०), निखिल रामचंद्र खुटवड (वय २०), साहिल एकनाथ मळेकर (वय १९, सर्व रा. कात्रज) अशी अटक करण्यात आलेल्यांची नावे आहेत. याप्रकरणी अल्पवयीनाला ताब्यात घेण्यात आले आहे. गुन्हे शाखेच्या युनिट दोनमधील पोलीस शिपाई ओंकार जगताप यांनी आंबेगाव पोलीस ठाण्यात फिर्याद दिली आहे.
जीन पँट परिधान केल्याने महिलेला बेदम मारहाण – सविस्तर बातमी
पोलिसांनी दिलेल्या माहितीनुसार, काळे, जाधव, जगताप, फाटक, खुटवड, मळेकर आणि त्यांच्याबरोबर असलेला एक अल्पवयीन साथीदार मुंबई-बंगळुरू बाह्यवळण मार्गावरील दरीपूल परिसरात शनिवारी (३ जानेवारी) दुपारी पावणेचारच्या सुमारास थांबले होते. आरोपी लूटमार करण्याच्या तयारीत असल्याची माहिती गस्त घालणाऱ्या पोलिसांच्या पथकाला मिळाली. त्यानंतर पोलिसांच्या पथकाने सापळा लावून त्यांना पकडले. पोलीस उपनिरीक्षक राहुल जोग तपास करत आहेत.
