हडपसरमधील वैदुवाडी परिसरात घडली घटना
marathinews24.com
पुणे – भरधाव बसच्या धडकेत पादचारी तरुणाचा मृत्यू झाल्याची घटना हडपसरमधील वैदुवाडी परिसरात घडली. या प्रकरणी बसचालकाला अटक करण्यात आली.
राजा यल्लाप्पा लाकडे (वय ३०, रा. हडपसर) असे मृत्युमुखी पडलेल्या पादचारी तरुणाचे नाव आहे. या प्रकरणी बसचालक अमालया अयप्पा किरयाल (वय ५८, रा. गंगानगर, शहापूर, कर्नाटक) याला अटक करण्यात आली. याबाबत पूजा यल्लाप्पा लाकडे (वय ५०, रा. हडपसर) यांनी वानवडी पोलिसांनी अटक केली.
सोमवार पेठेत भरदिवसा घरफोडी;३ लाखांचा ऐवज चोरीला – सविस्तर बातमी
पोलिसांनी दिलेल्या माहितीनुसार, राजा लाकडे हे १९ जानेवारी रोजी रात्री पावणेनऊच्या सुमारास पुणे-सोलापूर रस्त्याने निघाले होते. हडपसर परिसरातील वैदुवाडी परिसरात भरधाव बसने रस्ता ओलांडणाऱ्या लाकडे यांना धडक दिली. अपघातात गंभीर जखमी झालेल्या लाकडे यांना खासगी रुग्णालयात दाखल करण्यात आले. उपचारांपूर्वीच त्यांचा मृत्यू झाला होता. पोलीस उपनिरीक्षक शशिकांत लोंढे तपास करत आहेत.
