नाशिक कारागृहात स्थानबद्ध
marathinews24.com
पुणे – शहरातील पाषाण येथील लमाण तांडा व परिसरात बेकायदा गावठी दारू तयार करुन विक्री करणारया सराइताविरुद्ध राज्य उत्पादन शुल्क विभागाने स्थानबद्धतेची कारवाई केली. या कारवाईनंतर गावठी दारु विक्रेत्याची नाशिक कारागृहात रवानगी करण्यात आली आहे.
प्रेमप्रकरणातून अल्पवयीन मुलाचे अपहरणन करून खून – सविस्तर बातमी
थावरिया वाल्या पातलावत (वय ५३, रा. लमाण तांडा, पाषाण, असे कारवाई करण्यात आलेल्या सराइताचे नाव आहे. पातलावत हा पाषाण परिसरात गावठी दारु तयार करुन विक्री करत होता. गावठी दारुच्या सेवनामुळे गंभीर स्वरुपाचे विकार, तसेच जिवीतहानीसारखे प्रकार घडण्याची शक्यता होती. राज्य उत्पादन शुल्क विभागाने यापूर्वी पातलावत याच्याविरुद्ध कारवाई केली होती. गावठी दारु विक्री प्रकणी त्याच्याविरुद्ध यापूर्वी सहा गुन्हे दाखल करण्यात आले होते. त्याच्याकडून चांगल्या वर्तणुकीचे बंधपत्र घेण्यात आले होते. त्यानंतरही तो गावठी दारु तयार करून विक्री करत होता. राज्य उत्पादन शुल्क विभागाने त्याच्याविरुद्ध कडक कारवाई करण्याचा निर्णय घेतला.
उत्पादन शुल्क विभागाचे अधीक्षक अतुल कानडे यांच्या मर्गदर्शनाखाली आरोपाविरूध्द झोपडपट्टी दादा प्रतिबंधक कायद्यान्वये ((एमपीडीए) प्रस्ताव तयार करण्यात आला. संबंधित प्रस्ताव गुन्हे शाखेचे पोलीस उपायुक्त निखिल पिंगळे यांच्यामार्फत पोलीस आयुक्त अमितेश कुमार यांच्याकडे पाठविण्यात आला. पोलीस आयुक्तांनी त्याला मान्यता दिली. त्यानूसार त्याची रवानगी नाशिक कारागृहात करण्यात आली आहे. उत्पादन शुल्क विभागाचे अधीक्षक अतुल कानडे यांच्या मार्गदर्शनाखाली दुय्यम निरीक्षक किरण पाटील यांच्यासह पथकाने ही कारवाई केली.
