व्ही. के. सिंग यांच्या मुलाचीही होणार चौकशी
marathinews24.com
पुणे – राज्याचे दिवंगत उपमुख्यमंत्री अजित पवार यांच्या अकस्मात मृत्यू प्रकरणात राज्य गुन्हे अन्वेषण विभागाने (सीआयडी) व्हीएसआर कंपनीचे मालक व्ही. के. सिंग यांची सोमवारी (दि.९) पुन्हा चौकशी केली. चौकशीतील तपशील समजू शकला नाही. मात्र, चौकशी दोन दिवस झाली असून, यानंतर व्ही. के. सिंग यांच्या मुलाकडेही पुढील काळात चौकशी केली जाणार असल्याची माहिती सूत्रांनी दिली.
देशातील वाढत्या रस्ते अपघातांकडे गांभीर्याने लक्ष द्यावे – सविस्तर बातमी
उपमुख्यमंत्री अजित पवार यांचे विमान अपघातात निधन झाले. याप्रकरणी बारमती ग्रामीण पोलिस ठाण्यात आकस्मात मृत्यूची नोंद करण्यात आली. त्यानंतर शासनाने राज्य गुन्हे अन्वेषण विभागाकडे तपास दिला. त्यानूसार सीआयडी याप्रकरणाचा तपास करत आहेत.
सीआयडी अधिकाऱ्यांनी नुकतीच स्वत:हून पत्रकार परिषद घेत तपासाबाबतची माहिती माध्यमांना दिली होती. दरम्यान, अपघाती मृत्यू, हलगर्जीपणा की घातपात असा संशय व्यक्त केला जात आहे. दुसरीकडे आमदार रोहित पवार यांनी पत्रकार परिषदा घेऊन काही गंभीर आरोप केले होते. सीआयडीने डीजीसीए (डायरेक्टोरेट जनरल ऑफ सिव्हिल एव्हिएशन) आणि त्याबरोबर एएआयबी (एअरक्राफ्ट ॲक्सीडन्ट इन्व्हीस्टीगेशन ब्युरो) यांच्या तपासाच्या पार्श्वभूमीवर प्रथमच याप्रकरणात चौकशी गुरुवारी व्हीएसआर व्हेंचर्स कंपनीचे मालक व्ही. के. सिंग यांना चौकशीसाठी बोलावले होते. सोमवारीही त्यांची चौकशी करण्यात आली आहे. दिवस चौकशीचा तपशील मात्र समजू शकला नाही. नेमकी चौकशी कोणत्या मुद्यावर झाली. तसेच, यासंदंर्भात त्यांनी जबाब काय दिला हे प्रश्न अन्नुतरीत आहेत. दरम्यान, व्ही. के. सिंग यांच्या मुलाकडे देखील पुढील काळात चौकशी होणार आहे.
