चोरट्यांविरुद्ध गुन्हा दाखल
marathinews24.com
पुणे – लष्करी अधिकाऱ्याच्या बंगल्यातून मद्याच्या बाटल्या चोरट्यांनी चोरून नेल्याची घटना एम्प्रेस गार्डन परिसरात घडली. याप्रकरणी चोरट्यांविरुद्ध वानवडी पोलिसांनी गुन्हा दाखल केला. याबाबत लष्करातील जवान विक्रम दिलीप शिरगिरे (वय ३४, रा. फॅमिली क्वार्टर कॅम्प, घोरपडी) यांनी वानवडी पोलीस ठाण्यात फिर्याद दिली आहे. त्यांनी दिलेल्या फिर्यादीनुसार चोरट्यांविरुद्ध गुन्हा दाखल करण्यात आला आहे.
पुण्यात लष्करी भागात इमारतीला आग – सविस्तर बातमी
पोलिसांनी दिलेल्या माहितीनुसार, घोरपडीतील एम्प्रेस गार्डन परिसरात छत्रपती शिवाजी महाराज मार्गावर मेजर हिमांशू यांचा बंगला आहे. ९ मार्च रोजी मध्यरात्री चोरटे बंगल्याच्या आवारात शिरले. चोरट्यांनी बंद बंगल्याच्या दरवाज्याचे कुलूप तोडले. चोरट्यांनी मेजर हिमांशू यांच्या बंगल्यातून विविध प्रकारच्या मद्याच्या बाटल्या चोरून नेल्या. चोरलेल्या मद्याच्या बाटल्यांची किंमत ५२ हजार २५० रुपये आहे. पोलीस उपनिरीक्षक औचरे तपास करत आहेत.
