मोटारीतून आलेल्या आरोपींविरुद्ध गुन्हा
marathinews24.com
पुणे – स्टेशन परिसरातील राजा बहाद्दुर मिल रस्ता परिसरात मोटारीतून आलेल्या चोरट्यांनी तरुणाला मारहाण करुन त्याच्याकडील दोन लाख रुपयांची सोनसाखळी हिसकावून नेल्याची घटना घडली. मोटारीतून पसार झालेल्या चोरट्यांविरुद्ध बंडगार्डन पोलिसांनी गुन्हा दाखल केला. याबाबत एका तरुणाने बंडगार्डन पोलीस ठाण्यात फिर्याद दिली आहे. त्याने दिलेल्या फिर्यादीनुसार, मोटारीतून आलेल्या तिघांविरुद्ध गुन्हा दाखल करण्यात आला आहे.
वाहतूक नियमभंगाची एपीके फाईल पाठवून पावणेतीन लाखाांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार २१ वर्षीय तरुण मूळचा बारामती तालुक्यातील कोऱ्हाळे गावचा रहिवासी आहे. शनिवारी मध्यरात्री तो राजा बहाद्दुर मिल परिसरातून मित्रासोबत निघाला होता. त्या वेळी एका महागड्या मोटारीतून तिघे जण आले. त्यांनी तरुण आणि त्याच्याबरोबर असलेल्या मित्राला मारहाण केली. तक्रारदार तरुणाच्या गळ्यातील एक लाख ९५ हजार रुपयांची सोनसाखळी हिसकावून आरोपी मोटारीतून पसार झाले. मोटारीतून पसार झालेल्या आरोपींचा शोध घेण्यात येत असून, पोलीस उपनिरीक्षक चव्हाण तपास करत आहेत.
