गुन्हे शाखेच्या खंडणी विरोधी पथक दोनने केली कारवाई
marathinews24.com
पुणे – शहरातील कोंढवा परिसरात प्रतिबंधात्मक आदेश असतानाही बेकायदेशीररित्या शस्त्र बाळगणाऱ्या तिघांना पोलिसांनी अटक केली आहे. तर या प्रकरणातील आणखी तीन संशयित आरोपी फरार असून त्यांचा शोध सुरू आहे. प्रकाश तुळशीराम पवार (वय २४, रा. वेदवाडी हौसर, कॅनालजवळ ), मुस्ताक इकराईम शेख (वय २२, रा. आशरफ नगर, कोंढवा ) ओंकार दयानंद पवार (वय २४, रा. अपर इंदिरानगर, पुणे) यांना अटक करण्यात आली. ही कारवाई गुन्हे शाखेच्या खंडणी विरोधी पथक दोनने केली.
पुणे स्टेशन परिसरात तरुणाला धमकावून लुटले – सविस्तर बातमी
आरोपींकडून गावठी बनावटीचे पिस्तुल, जिवंत काडतूस असा ३७ हजार रुपयांचा मुद्देमाल जप्त केला. आरोपींनी प्रतिबंधात्मक आदेशाचे उल्लंघन करून शस्त्र बाळगल्याचे उघड झाले आहे. पोलिसांनी दिलेल्या माहितीनुसार, कोंढवा परिसरात दि. १३ मार्चला रात्री नऊच्या सुमारास काही इसम संशयास्पदरीत्या थांबल्याची माहिती पोलिसांना मिळाली. त्यानुसार पोलिसांनी छापा टाकून कारवाई केली. तिघांना अटक करण्यात आली असून, त्यांच्या तीन साथीदारांचा शोध सुरू आहे. याप्रकरणी कोंढवा पोलिस ठाण्यात गुन्हा दाखल करण्यात आला आहे. पुढील तपास पोलीस उपनिरीक्षक गौरव देव करत आहेत.
