पुणे- अहिल्यानगर रस्त्यावरील लोणीकंद ते खराडी बाह्यवळण मार्गावर वाहनांना बंदी
marathinews24.com
पुणे – महाराष्ट्र केसरी स्पर्धेनिमित्त पुणे- अहिल्यानगर रस्त्यावरील लोणीकंद ते खराडी बाह्यवळण मार्गावर १८ ते २२ मार्च दरम्यान दुपारी दोन ते रात्री अकरापर्यंत अवजड वाहनांना बंदी घालण्यात आली आहे.
बँकांनी कर्ज वितरणाचे उद्दिष्ट 31 मार्च अखेर पूर्ण करावे- अपर जिल्हाधिकारी सतीश राऊत – सविस्तर बातमी
‘महाराष्ट्र केसरी स्पर्धेनिमित्त राज्यभरातून कुस्ती शौकीन लोणीकंद परिसरात येणार आहेत. या स्पर्धेसाठी होणारी गर्दी, तसेच रस्त्याच्या दुतर्फा लावण्यात येणाऱ्या वाहनांमुळे वाहतूक विस्कळीत होऊन कोंडी होण्याची शक्यता आहे. त्यामुळे १८ ते २२ मार्च दरम्यान दुपारी दोन ते रात्री अकरापर्यत लोणीकंद ते खराडी बाह्यवळण मार्ग (बायपास) परिसरात माल वाहतूक करणारे ट्रक, प्रवासी वाहतूक करणाऱ्या आराम बस, बल्कर मंदगती वाहने (जेसीबी, रोड रोलर, ट्रॅक्टर) अशा वाहनांना बंदी घालण्यात आली आहे. पुणे-अहिल्यानगर रस्त्यावरील लोणीकंद ते खराडी बाह्यवळण मार्ग, तसेच उपरस्त्यांवर जड वाहनांची वाहतूक, तसेच रस्त्याच्या कडेला जड वाहने लावण्यास बंदी घालण्यात आली आहे. जड वाहनांनी पर्यायी मार्गाचा वापर करावा’, असे आवाहन वाहतूक शाखेचे पोलीस उपायुक्त हिंमत जाधव यांनी केले आहे.
