सायबर चोरट्यांविरुद्ध गुन्हा दाखल
marathinews24.com
पुणे – गॅस पुरवठा खंडीत करण्याची भीती दाखवून सायबर चोरट्यांनी माॅडेल काॅलनीतील एकाची चार लाख रुपयांची फसवणूक केल्याचा प्रकार उघडकीस आला. या प्रकरणी सायबर चोरट्यांवरिुद्ध शिवाजीनगर पोलिसांनी गु्न्हा दाखल केला.याबाबत एकाने चतु:शृंगी पोलीस ठाण्यात फिर्याद दिली आहे.
वीजेच्या धक्क्याने कृषी महाविद्यालयातील विद्यार्थ्याचा मृत्यू – सविस्तर बातमी
पोलिसांंनी दिलेल्या माहितीनुसार, तक्रारदार हे शिवाजीनगरमधील माॅडेल काॅलनीत राहायला आहेत. माॅडेल काॅलनी परिसरात वाहिनीद्वारे गॅस पुरवठा होतो. गॅस देयक थकित असून, गॅस पुरवठा खंडीत करण्यात येणार आहे, अशी भीती सायबर चोरट्यांनी त्यांना दाखविली. थकीत देयक ऑनलाइन पद्धतीने त्वरीत भरावे लागणार आहे, त्यासाठी बँक खात्याची माहिती द्यावी लागेल, असे चोरट्यांनी त्यांना सांगितले. चोरट्यांनी बँक खात्याची माहिती त्यांनी दिली. बँक खात्याला मोबाइल क्रमांक जोडण्यात आला आहे. चोरट्यांनी मोबाइल क्रमांक हॅक करुन बँक खात्यातील तीन लाख ९८ हजार रुपयांची रोकड ऑनलाइन पद्धतीने दुसऱ्या खात्यात जमा करुन घेतली. खात्यातून पैसे कमी झाल्याचे लक्षात आल्यानंतर तक्रारदारांनी पोलिसांकडे तक्रार दिली. गुन्हे शाखेच्या पोलीस निरीक्षक अश्विनी ननावरे तपास करत आहेत.
गेल्या काही महिन्यांपासून गॅस, वीज देयक थकीत असून, त्वरीत पुरवठा खंडीत करण्यात येणार आहे, अशी भीती दाखवून चोरट्यांकडून फसवणुकीचे प्रकार वाढले आहेत.
