फुरसुंगी पोलीस ठाण्यात गुन्हा दाखल
marathinews24.com
पुणे – गोदामच्या खिडकीचे गज उचकटून चोरट्यांनी १० लाख रूपयांची केबल चोरून नेल्याची घटना २४ ते २५ मार्चला फुरसुंगीतील न्यू इंडिया केबल ट्रेडींग प्रा. लि. कंपनीच्या गोदामात घडली आहे. याप्रकरणी संबंधिताने फुरसुंगी पोलीस ठाण्यात फिर्याद दाखल केली आहे. त्यानुसार अज्ञात चोरट्यांविरूद्ध गुन्हा दाखल करण्यात आला आहे.
सराईत वाहन चोरट्याला बेड्या; ८ गुन्हे उघड – सविस्तर बातमी
पोलिसांनी दिलेल्या माहितीनुसार, फुरसुंगी परिसरात न्यू इंडिया केबल ट्रेडींग प्रा. लि. कंपनीचे गोदाम आहे. २४ ते २५ मार्चला चोरट्यांनी त्यांच्या बंद गोदामाच्या खिडकीचे गजर तोडून आतमध्ये प्रवेश केला. तब्बल १० लाख रूपयांची केबल चोरून नेली. याप्रकरणाची माहिती झाल्यानंतर तक्रारदाराने पोलीस ठाण्यात धाव घेत फिर्याद दाखल केली आहे. याप्रकरणी पोलीस उपनिरीक्षक खंदारे तपास करीत आहेत.
