हडपसर पोलिसांची कारवाई
marathinews24.com
पुणे – शहराच्या विविध भागातून वाहन चोरी होत असताना हडपसर पोलिसांनी सराईत वाहन चोरट्याच्या मुसक्या आवळल्या आहेत. त्याच्याकडून ८ गुन्हे उघडकीस आले आहेत. हडपसरमधील ६ तसेच काळेपडळ व मुंढवा पोलिस ठाण्याच्या हद्दीतील प्रत्येकी एक असे गुन्हे उघडकीस आले आहेत. सुहान मुनब्वर खान (वय २२, रा. रामटेकडी) असे अटक करण्यात आलेल्याचे नाव आहे.
पुण्यात पीएमपीएल प्रवासी महिलेचे ७ लाखांचे दागिने लंपास – सविस्तर बातमी
वाहन चोरीच्या घटना सातत्याने सुरू आहेत. सार्वजनिक रस्ते, पार्किंग अशा भागातून दुचाकी वाहने चोरी जात आहेत. यादरम्यान पोलिस अंमलदार भाऊसाहेब खटके यांना माहिती मिळाली की, सुहान खान याने विविध भागातून वाहने चोरी केली आहेत. त्यानूसार पथकाने सुहान खान याला सापळा रचून पकडले. त्याच्याकडे चौकशी केली असता त्याच्याकडील दुचाकी चोरीची असल्याचे समोर आले. त्याला ताब्यात घेऊन सखोल तपास केल्यानंतर त्याच्याकडून ८ गुन्हे उघडकीस आले. अधिक तपास हडपसर पोलिस करत आहेत. ही कारवाई वरिष्ठ निरीक्षक संजय मोगले, पोलिस निरीक्षक निलेश जगदाळे, उपनिरीक्षक हसन मुलाणी यांच्यासह पथकाने केली आहे.
