सायबर चोरट्यांविरुद्ध गुन्हा दाखल
marathinews24.com
पुणे – शेअर आयपीओमध्ये गुंतवणूकीचे आमिष दाखवून सायबर चोरट्यांनी ८२ वर्षीय महिलेला तब्बल ४१ लाख ५० हजारांचा ऑनलाईन गंडा घातला आहे. ही घटना २१ जानेवारी ते २३ मार्च २०२६ कालावधीत खडक पोलीस ठाण्याच्या हद्दीतील रेशीमआळीत घडली आहे. याप्रकरणी महिलेने तक्रार दाखल केली आहे. त्यानुसार मोबाइलधारक, लिंकधारकाविरूद्ध गुन्हा दाखल करण्यात आला आहे.
बिबवेवाडीतील स्वीटमार्टमध्ये चोरी, ७० हजारांचा ऐवज चोरीला – सविस्तर बातमी
पोलिसांनी दिलेल्या माहितीनुसार, तक्रारदार महिला रेशीमआळीत राहायला असून, २१ जानेवारीला सायबर चोरट्यांनी इ-मेलद्वारे संपर्क साधला. शेअर माकेट आयपीओमध्ये गुंतवणूक केल्यास जादा परतावा मिळवून देतो, अशी बतावणी केली. त्यानंतर अवघ्या दोन महिन्यांत सायबर चोरट्यांनी महिलेचा विश्वास संपादित केला. त्यांना गुंतवणूकीला भाग पाडून ४१ लाख ५० हजार रूपये वर्ग करायला लावले. फसवणूक झाल्याचे लक्षात आल्यानंतर महिलेने पोलीस ठाण्यात धाव घेतली. याप्रकरणी पोलीस निरीक्षक शर्मिला सुतार तपास करीत आहेत.
