डेक्कन पोलीस ठाण्यात गुन्हा दाखल
marathinews24.com
पुणे – सायबर चोरट्यांनी पुणेकरांना वेठीस धरले असून, विविध प्रकारचे आमिष दाखवून ऑनलाईनरित्या गंडा घातला जात आहे. अशाच प्रकारे डेक्कन परिसरात राहणार्या ७१ वर्षीय जेष्ठाला सायबर चोरट्यांनी ३७ लाख ३० हजारांचा ऑनलाईन गंडा घातला आहे. ही घटना १९ जानेवारी ते २४ मार्च २०२६ कालावधीत कर्वेरोड परिसरात घडली आहे. याप्रकरणी डेक्कन पोलीस ठाण्यात गुन्हा दाखल करण्यात आला आहे.
शेअर ट्रेडींगच्या आमिषाने १४ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ नागरिक कर्वे रोडवर राहायला असून, १९ जानेवारीला सायबर चोरट्यांनी त्यांना फेसबुकद्वारे शेअर ट्रेडींग जाहिरातीची लिंक पाठवली. व्हॉटसअॅप ग्रुपमध्ये अॅड करून अॅप डाउनलोड करण्यास सांगितले. त्यानंतर सायबर चोरट्यांनी तक्रारदार जेष्ठाचा विश्वास संपादित करून विविध बँकखात्यावर रक्कम पाठविण्यास भाग पाडले. तब्बल ३७ लाख ३० हजार रूपये पाठवल्यानंतर तक्रारदाराला फसवणूक झाल्याचे लक्षात आले. त्यानंतर त्यांनी पोलीस ठाण्यात धाव घेतली. याप्रकरणी वरिष्ठ पोलीस निरीक्षक गिरीषा निंबाळकर तपास करीत आहेत.
