तरुणावर बाणेर पोलिसांनी दाखल केला गुन्हा
marathinews24.com
पुणे – अल्पवयीन मुलीला मानसिक त्रास देऊन तिला इमारतीवरून उडी मारून आत्महत्येस प्रवृत्त केल्याची घटना ४ एप्रिलला सकाळी साडे अकरा वाजता बालेवाडी परिसरात घडली आहे. याप्रकरणी गोरख सुग्रीव गोरे (वय २१, रा. बालेवाडी, मूळ मंठा, जालना) असे गुन्हा दाखल करण्यात आलेल्या आरोपीचे नाव आहे.
हातउसने पैशांच्या वादातून पिस्तूल रोखून मारहाण – सविस्तर बातमी
पोलिसांनी दिलेल्या माहितीनुसार,आरोपी गोरे हा बालेवाडीत राहायला असून, त्याने ओळखीचा फायदा घेत अल्पवयीन मुलीसोबत वारंवार संपर्क साधला. तिच्याशी बोलण्याचा प्रयत्न करत तिला मानसिक त्रास दिला. संबंधित आरोपी गोरे याने तिच्या घरी जाऊन शिवीगाळ केली. तिचे फोटो व्हायरल करण्याची धमकी दिली. सततच्या त्रासाला कंटाळून मुलीने टेरेसवरून उडी मारत आत्महत्या केल्याची धक्कादायक घटना घडली. घटनेमुळे परिसरात खळबळ उडाली आहे.याप्रकरणी संबंधित आरोपीविरुद्ध भारतीय न्याय संहिता कलम १०७, १०८, ३५२, ३५१(२) अन्वये गुन्हा नोंद केला आहे. पुढील तपास पोलीस निरीक्षक अलका सरग यांच्या मार्गदर्शनाखाली सुरू आहे.
