पुण्यात वृक्षाथॉन स्पर्धा ७ जूनला
marathinews24.com
पुणे – शारिरीक तंदुरूस्तीच्या माध्यमातून पर्यावरण संरक्षणाचा संदेश देणार्या वृक्षाथॉन फाउंडेशन ५ या उपक्रमाच्या प्रसारासाठी विशेष उपक्रमाचे आयोजन करण्यात आले होते. कार्यक्रमाचे प्रमुख पाहुणे आयर्नमॅन सहायक पोलीस आयुक्त विष्णू ताम्हाणे, यांच्यासह सिनेकलाकार भारती आचरेकर, नेहा पेंडसे, सोनाली कुलकर्णी, पुष्कराज चिरपुटकर उपस्थित होते. दरम्यान, ७ जूनला शिवाजीनगर पोलीस मैदानावर वृक्षाथॉन स्पर्धेचे आयोजन केले आहे. त्यापुर्वी स्पर्धेच्या प्रसारासाठी विशेष उपक्रम पार पडला.
लोहगाव उपजिल्हा रुग्णालयाचे काम युद्धपातळीवर पूर्ण करा – सविस्तर बातमी
आयर्नमॅन एसीपी विष्णू ताम्हाणे म्हणाले, आपले जीवनमान अधिक आनंददायी आणि निरोगी राहण्यासाठी वृक्षसंवर्धनासह शारिरीक स्वास्थाचे महत्व अधोरेखित केले. नागरिकांनी मोठ्या संख्येने वृक्षाथॉनमध्ये सहभागी व्हावे, असे आवाहनही त्यांनी केले आहे. दरम्यान, विशेष प्रसार उपक्रमाद्वारे कलाकार मंडळींनी पर्यावरण संवर्धनाचा संदेश प्रभावीपणे नागरिकांपर्यंत पोहोचवला आहे. या स्पर्धेत ३ ते २१ किलोमीटर गटात पुणेकरांसह राज्यभरातून स्पर्धेक सहभागी होणार आहेत. जेष्ठ नागरिक व लहान मुलांसाठी ३ किलोमीटर चालणे, नवोदित आणि उत्साही धावपटूंसाठी ५ किलोमीटर धावणे, ड्रीम रनर्स आणि एलिट अॅथलेटसाठी १० किलोमीटर धावणे, सर्व धावपटूंसाठी २१ किलोमीटर हाफ मॅरेथॉन पार पडणार आहे.
