आरोपीला अटक, चतुःशृंगी पोलिसांची कामगिरी
marathinews24.com
पुणे – प्रतिबंधित तंबाखुजन्य गुटख्यासह तंबाखूजन्य पदार्थांचा साठा करणार्या आरोपीला चतुःशृंगी पोलिसांनी अटक केली आहे. त्याच्याकडून तब्बल १३ लाख ५१ हजारांचा तंबाखूजन्य साठा, टेम्पो असा मिळून १९ लाख ५१ हजारांचा मुद्देमाल जप्त केला आहे. अमर नंदु पन्हाळकर (वय ३७ रा.१०१ जनवाडी जनता वसाहत) असे अटक केलेल्याचे नाव आहे.
पुण्यात भरधाव ट्रॅव्हल्सची दुचाकीला धडक; दोन महिला जखमी – सविस्तर बातमी
चतुःशृंगी पोलीस २७ एप्रिलला पेट्रोलिंग करीत असताना, गोखलेनगर परिसरात एकाने तंबाखूजन्य पदार्थांचा साठा केल्याची माहिती मिळाली. पथकाने जनवाडीतील जनता वसाहतमध्ये धाव घेत आरोपी अमर पन्हाळकर याला ताब्यात घेतले. त्याच्याकडून १३ लाख ५१ हजारांचा पानमसाला व तंबाखूजन्य साठा जप्त केला आहे. आरोपीने हे तंबाखूजन्य पदार्थ कोणाकडून घेतले आहेत, याचा तपास पोलीस करीत आहेत. ही कामगिरी पोलीस उपायुक्त चिलुमुला रजनीकांत, एसीपी विठ्ठल दबडे, वरिष्ठ पोलीस निरीक्षक उत्तम भजनावळे, पोलीस निरीक्षक आश्विनी ननावरे, सहायक पोलीस निरीक्षक अनिकेत पोटे, इरफान मोमीन, बाबुलाल तांदळे, श्रीकांत वाघवले, शिर्वेâ यांनी केली. एपीआय अनिकेत पोटे तपास करीत आहेत.
