टेम्पो चालकाविरुद्ध गुन्हा दाखल
marathinews24.com
पुणे – टेम्पोच्या धडकेत दुचाकीस्वार तरुणाचा मृत्यू झाल्याची घटना मुंढव्यातील एबीसी फार्म चौकात घडली. याप्रकरणी टेम्पोचालकाविरुद्ध गुन्हा दाखल करण्यात आला. स्वप्नील संतोष कदम (वय २२, रा. हिंगणे मळा, हडपसर) असे मृत्यूमुखी पडलेल्या दुाचकीस्वाराचे नाव आहे. याप्रकरणी टेम्पो चालकाविरुद्ध गुन्हा दाखल करण्यात आला आहे. याबाबत संतोष मारुती कदम (वय ४७) यांनी मुंढवा पोलीस ठाण्यात फिर्याद दिली आहे.
पुण्यात चॉकलेटच्या आमिषाने चिमुरडीवर अत्याचाराचा प्रयत्न – सविस्तर बातमी
पोलिसांनी दिलेल्या माहितीनुसार, दुचाकीस्वार स्वप्नील हा २७ एप्रिल रोजी मुंढव्यातील एबीसी फार्म चौकातून निघाला होता. त्यावेळी भरधाव टेम्पोने दुचाकीस्वार स्वप्नील याला धडक दिली. गंभीर जखमी झालेल्या स्वप्नीलचा उपचारांदरम्यान मृत्यू झाला. त्यानंतर त्याच्या वडिलांनी पोलिसांकडे तक्रार दिली. पोलीस उपनिरीक्षक पोमण तपास करत आहेत.
पर्वती भागात ज्येष्ठ महिलेचे दागिने हिसकावले
पुणे- पादचारी ज्येष्ठ महिलेच्या गळ्यातील ३ लाख ३० हजार रुपयांचे सोन्याचे दागिने दुचाकीस्वार चोरट्यांनी हिसकावून नेल्याची घटना पर्वती परिसरात घडली. याप्रकरणी चोरट्यांविरुद्ध गु्न्हा दाखल करण्यात आला आहे. याबाबत एका ज्येष्ठ महिलेने पर्वती पोलीस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदार ७६ वर्षीय ज्येष्ठ महिला कोथरूड भागातील डहाणूकर काॅलनीत राहायला आहेत. त्या ५ मे रोजी रात्री दहाच्या सुमारास पर्वती परिसातून निघाल्या होत्या. त्या वेळी दुचाकीस्वार चोरट्यांनी त्यांच्या गळ्यातील सोन्याची कंठी माळ आणि मंगळसूत्र हिसकावून नेले. महिलेने आरडाओरडा केले. चोरटे पसार झाले. पसार झालेल्या चोरट्यांचा शोध घेण्यात येत असून, पोलिसांनी पर्वती परिसरातील सीसीटीव्ही चित्रीकरण तपासले आहे.
