विमानतळ पोलिसंनी केला गुन्हा दाखल
marathinews24.com
पुणे – हवाई दलाच्या तळात बेकायदा प्रवेश करणाऱ्या एकाविरुद्ध विमानतळ पोलिसंनी गुन्हा दाखल केला. याबाबत हवाई दलातील शिपाई अंकीश त्रिपाठी (वय ३५, रा. विमाननगर) यांनी विमानतळ पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, ३५ वर्षीय तरुणाविरुद्ध गुन्हा दाखल करण्यात आला आहे. या प्रकरणात गुन्हा दाखल करण्यात आलेला तरुण हा मूळचा उत्तर प्रदेशातील आहे.
डेटिंग ॲपवरील ओळखीतून तरुणाला लुटणारे गजाआड – सविस्तर बातमी
पोलिसांनी दिलेल्या माहितीनुसार, त्रिपाठी हे हवाई दलाच्या सुरक्षा विभागात नियुक्तीस आहे. पुणे-अहिल्यानगर रस्त्यावर हवाई दलाची जागा आहे. या क्षेत्रात नागरिकांना प्रवेश निषिद्ध आहे. ३ मे रोजी आरोपी नगर रस्त्यावरील सीमाभिंतीवरुन चढून हवाई दलाच्या जागेत प्रवेश करत असल्याचे दिसून आले. त्यानंतर हवाई दलाच्या सुरक्षा विभागातील कर्मचाऱ्यांनी त्याला ताब्यात घेतले. तरुणाला पोलिसांच्या ताब्यात दिले. पोलिसांनी त्याची चौकशी केली. तेव्हा गुन्हा दाखल करण्यात आलेला तरुण हा मानसिक विकाराने ग्रस्त असल्याचे दिसून आले. पोलीस उपनिरीक्षक पालवे तपास करत आहेत. दोन महिन्यांपूर्वी हवाई दलाच्या जागेत बेकायदा प्रवेश करणारा तरुण सीमा भिंतीवरुन पडल्याने त्याचा पाय फ्रॅक्चर झाल्याची घटना घडली होती.
