काळभोर पोलीस ठाण्यातील पोलीस कर्मचारी निलंबित
marathinews24.com
पुणे – अमली पदार्थ विक्री प्रकरणात दाखल गुन्ह्यातील आरोपीला मदत करण्याचा प्रयत्न करणाऱ्या लोणी काळभोर पोलीस ठाण्यातील पोलीस कर्मचाऱ्याला निलंबित करण्याचे आदेश पोलीस उपायुक्त डाॅ. सागर कवडे यांनी दिले. केतन उत्तम धेंडे (रा. लोणी काळभोर) असे निलंबित केलेल्या पोलीस कर्मचाऱ्याचे नाव आहे. गुन्हे शाखेच्या खंडणी विरोधी पथकाने लोणी काळभोर भागात अमली पदार्थ विक्री प्रकरणात नुकतीच कारवाई केली होती. याप्रकरणी गुन्हा दाखल झाला होता.
जन्मठेपेची शिक्षा भोगणाऱ्या कैद्याचे खुल्या कारागृहातून पलायन – सविस्तर बातमी
पोलीस कर्मचारी धेंडे यांनी या गुन्ह्यातील आरोपींना मदत करावी, यासाटी गुन्हे शाखेतील एका तपासी अधिकाऱ्याला दूरध्वनी केला होता. त्यांना प्रत्यक्ष भेटून त्याने प्रलोभन दाखविले होते. या प्रकरणाच्या तपासात हस्तक्षेप केला होता. हा प्रकार वरिष्ठ अधिकाऱ्यांच्या निर्दशनास आल्यानंतर खंडणी विरोधी पथकातील अधिकाऱ्यांनी याबाबतचा अहवाल पोलीस उपायुक्त डाॅ. सागर कवडे यांच्याकडे सादर केला. त्यानंतर आरोपींना मदत करण्याचा ठपका ठेऊन धेंडे याला निलंबित करण्यात आले. धेंडे यांचे वर्तन पोलीस दलाचे प्रतिमा मलीन करणारे असल्याचे आदेशात नमूद करण्यात आले आहे.
