दोन जणांना स्थानिक गुन्हे शाखेने घेतले ताब्यात
marathinews24.com
बीड (अनंत जाधव) – जबरी चोऱ्या करणाऱ्या सराईत आंतरजिल्हा टोळीचा पर्दाफाश करण्यात बीड एलसीबी पथकाला यश आले आहे. वडवणी येथील दाखल चोरीच्या गुन्ह्यात दोन संशयितांना चारचाकी वाहनासह ताब्यात घेतले आहे. ही कारवाई रात्री माजलगाव तालुक्यातील लवूळ येथे करण्यात आली.मिथुन दादाराव साळवे (वय २५ रा. रमाई नगर वडवणी) आणि रोहन कल्याण केकाण (वय २५ रा.जुना मोंढा वडवणी) यांना अटक केली आहे.
‘धर्मस्वातंत्र्य’ कायदा लागू होण्यापूर्वी पुणे पोलिसांकडून कारवाईची घाई ? – सविस्तर बातमी
वडवणी येथे दाखल गुन्ह्याचा समातंर तपास स्थानिक गुन्हे शाखा बीड व पोलीस ठाणे वडवणी हे करीत होते. तपासा दरम्यान मंगळवारी (दि.१८) एलसीबी पथक माजलगाव तालुक्यात गस्तीवर होते. यावेळी पथक प्रमुखांना माहिती मिळाली की आरोपी मिथुन साळवे, रोहन केकाण या तिघांनी मिळून गुन्हा केला आहे. ते सध्या प टाटा सुमो वाहनाने लवूळ येथून पात्रुडच्या दिशेने येत आहेत. त्यानुसार एलसीबी पथकाने पात्रुड ते तेलगाव असा पाठलाग केला. ते पळून जाण्याच्या आधी शेतातून मिथुन दादाराव साळवे (वय २५ वर्षे) रा. रमाई नगर वडवणी, रोहन कल्याण केकाण (वय २५ वर्षे) रा.जुना मोंढा वडवणी या दोघांना पोलिसांनी मोठ्या शिताफीने ताब्यात घेतले. त्यांच्याकडे चौकशी केली असता त्यांनी वडवणी पोलीस ठाणे हद्दीतील वरील गुन्हा केल्याची कबुली दिली.
दोन्ही संशयित आरोपी ताब्यात घेऊन टाटा सुमो वाहनांसह १ लाख रुपयांचा मुद्देमाल जप्त करुन पुढील तपासासाठी वडवणी पोलिसांच्या ताब्यात दिले आहे. ही कारवाई पोलीस अधीक्षक नवनीत काँवत, अपर पोलीस अधीक्षक अंबोजागाई, उपविभागीय पोलीस अधिकारी माजलगाव, पोलीस निरीक्षक शिवाजी बंटेवाड यांच्या मार्गदर्शनाखाली स्थानिक गुन्हे शाखेचे उपनिरीक्षक महेश विघ्ने, महेश जोगदंड, जफर पठाण, बप्पासाहेब घोडके, दिलीप गिते, गणेश मराडे यांनी केली. कारवाईमुळे स्थानिक गुन्हे शाखेचे कौतुक होत आहे.
