आरोपीविरुद्ध हडपसर पोलिसांत गुन्हा दाखल
marathinews24.com
पुणे – हडपसर भागातील एका प्रसिद्ध ओैषध निर्मिती कंपनीत नोकरीच्या आमिषाने चार लाखांची फसवणूक केल्या प्रकरणी एकाविरुद्ध गुन्हा दाखल करण्यात आला. याप्रकरणी धनंजय शामराव वराडकर (रा. माळवाडी, हडपसर) याच्याविरुद्ध गुन्हा दाखल करण्यात आला. याबाबत एका ज्येष्ठ नागरिकाने हडपसर पोलीस ठाण्यात फिर्याद दिली आहे.
विश्रांतवाडीत कौटुंबिक वादातून मुलाकडून आईचा खून – सविस्तर बातमी
पोलिसांनी दिलेल्या माहितीनुसार, तक्रारदार ज्येष्ठ नागरिक हे हडपसरमधील ससाणेनगर भागात राहायला आहेत. आरोपीशी त्यांची ओळख होती. त्याने ज्येष्ठ नागरिकाचा मुलगा आणि मुलीला हडपसरमधील एका प्रसिद्ध ओैषध निर्मिती कंपनीत नोकरीला लावण्याचे आमिष दाखविले. त्यानंतर त्यांच्याकडून गेल्या दोन वर्षांत वेळोवेळी चार लाख रुपये घेतले. नोकरीबाबत ज्येष्ठ नागरिकाने विचारणा केली. तेव्हा आरोपीने उडवाउडवीची उत्तरे दिली. फसवणूक झाल्याचे लक्षात आल्यानंतर त्यांनी नुकतीच पोलिसांकडे तक्रार दिली. पोलीस उपनिरीक्षक सलगर तपास करत आहेत.
