आव्हाळवाडीकडून वाघोली गावठाणाकडे येणाऱ्या वाहनांना बंदी
marathinews24.com
पुणे – वाघोली परिसरात होणारी कोंडी विचारात घेऊन वाघोलीतील लोहगाव चौकातून अहिल्यानगर रस्त्याला जोडणारा रस्त्यावरील वाहतूक एकेरी करण्याचे आदेश वाहतूक शाखेचे पोलीस उपायुक्त डाॅ. संदीप भाजीभाकरे यांनी दिले आहेत. या रस्त्याच्या वापर करणाऱ्या वाहन चालकांनी पर्यायी मार्गांचा वापर करावा, असे आवाहन करण्यात आले आहे.
पुण्यात वेगवेगळ्या अपघातांत दोघांचा मृत्यू – सविस्तर बातमी
‘पुणे-अहिल्यानगर रस्त्यावरील वाघोली परिसरात वाहतूक कोंडी होती. नगर रस्त्यावरील वाघेश्वर मंदिर चौक ते केसनंद दरम्यान वाहतूक संथगतीने सुरू असते. त्यामुळे या भागातील वाहतूक विस्कळीत होऊन वाहनांच्या रांगा केसनंदपर्यंत लागतात. वाघोली गावठातील रस्ता दहा ते पंधरा फूट रुंद आहे. या रस्त्यावरील दुतर्फा वाहतुकीमुळे सातत्याने या भागात कोंडी होते. त्यामुळे वाघोली गावठाण चौकाकडून नगर रस्त्याकडे जाणारा मार्ग एकेरी करणे गरजेचे आहे’, अशी माहिती पोलीस उपायुक्त भाजीभाकरे यांनी दिली.
भागातील वाहतूक बदल पुढीलप्रमाणे
वाघोली-लोहगाव गावठाण रस्त्याने पुणे-नगर रस्त्याला जोडणारा रस्ता एकेरी करण्यात येणार आहे. आव्हाळवाडीकडून वाघोली-लोहगाव गावठाणाकडे येणाऱ्या वाहनांना बंदी घालण्यात आली आहे. आव्हाळवाडी, तसेच नगर रस्त्याने लोहगावकडे जाणाऱ्या वाहनांनी वाघेश्वर चौकातून उजवीकडे वळून लोहगाव चौकमार्गे इच्छितस्थळी जावे.
