पुणे विश्रामबाग पोलिसांची कामगिरी
marathinews24.com
पुणे – Pune House Burglary Case : विश्रामबाग पोलिसांंनी दिल्ली, हरयाणा, मध्यप्रदेश, उत्तर प्रदेश या चार राज्यात तपास करुन पुण्यात घरफोडी करणार्‍या दोन आरोपींना अटक केली. उत्तर प्रदेशातील गाझियाबादमधून दोघांना अटक केली आहे. हबीब हफीज सैफी आणि अकबर उर्फ फिरोज सुलतान सैफी (दोघेही रा. गाझियाबाद, उत्तरप्रदेश) यांना अटक केली आहे. त्यांच्याकडून १० लाख रुपयांचा ऐवज जप्त केला आहे. दोघेही आरोपी रजिया सुलतान गँगमधील असल्याचे उघडकीस आले आहे.
पादचारी महिलेचे मंगळसूत्र हिसकावले; सराईत जेरबंद – सविस्तर बातमी
घरफोडी करुन लाखो रुपयांचा ऐवज चोरीची घटना विश्रामबाग पोलीस ठाण्याच्या हद्दीत घडली होती. त्यापार्श्वभूमीवर पोलीस उपायुक्त कृषीकेश रावले यांनी गुन्ह्याची उकल करण्याचे आदेश वरिष्ठ पोलीस निरीक्षक नवनाथ जगताप यांना दिले होते. त्यानुसार तपास पथकाने आरोपींची माहिती काढली. दिल्ली, हरयाणा, मध्यप्रदेश, उत्तर प्रदेशात तपास करुन दोघा जणांना ताब्यात घेतले. त्यांना अटक करुन १० लाखांचा ऐवज जप्त केला आहे.
