खडकीतील एलफीस्टन रोड परिसरातील घटना
marathinews24.com
पुणे – रस्त्याने पायी चाललेल्या जेष्ठ महिलेचा पाठलाग करून चोरट्याने त्यांच्या गळ्यातील ४५ हजार रूपयांची सोनसाखळी हिसकावून नेली. ही घटना २८ मे रोजी संध्याकाळी साडेसहाच्या सुमारास खडकीतील एलफीस्टन रोड परिसरात घडली आहे. याप्रकरणी ६५ वर्षीय महिलेने खडकी पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल केला आहे.
शस्त्राच्या धाकाने तरूणाला लुटले, वानवडीतील घटना – सविस्तर बातमी
पोलिसांनी दिलेल्या माहितीनुसार, तक्रारदार जेष्ठ महिला खडकीत राहायला असून, २८ मे रोजी संध्याकाळी साडेसहाच्या सुमारास रस्त्याने पायी जात होत्या. त्यावेळी एलफीस्टन रोड परिसरात चोरट्याने जेष्ठेच्या गळ्यातील ४५ हजार रूपयांची सोनसाखळी हिसकावून नेली. महिलेने आरडाओरड करेपर्यंत चोरटा सुसाट पसार झाला. दरम्यान, तक्रार दाखल होताच खडकी पोलिसांनी आजूबाजूच्या सीसीटीव्ही फुटेजनुसार आरोपीचा ठावठिकाणा शोधण्याची मोहिम हाती घेतली. पोलीस उपनिरीक्षक अर्जुन बेदंगुडे तपास करीत आहेत.
स्वागरेट एसटी स्थानकात जेष्ठेला पुन्हा लुटले
स्वारगेट- कोल्हापूर विनाथांबा एसटीमध्ये प्रवेश करीत असलेल्या जेष्ठ महिलेच्या पर्समधील चार हजारांची रोकड आणि ८० हजारांचे दागिने मिळून चोरट्यांनी ८४ हजारांचा ऐवज चोरून नेला आहे. ही घटना २१ मे रोजी सकाळी पावणेदहाच्या सुमारास स्वारगेट एसटी स्थानकात घडली आहे. याप्रकरणी आंबेगाव, पुणे परिसरात राहणार्या ६५ वर्षीय महिलेने स्वारगेट पोलीस ठाण्यात फिर्याद दाखल केली आहे. त्यानुसार अज्ञात चोरट्याविरूद्ध गुन्हा दाखल करण्यात आला आहे.
दरम्यान, मागील काही दिवसांपासून स्वारगेट एसटी स्थानकात चोरट्यांनी धुडगूस घातल्याचे चोरीच्या घटनांवरून दिसून आले आहे. स्थानिक पोलिसांचे पेट्रोलिंग नसणे, एसटी प्रशासनाची कुचकामी सुरक्षा यंत्रणेमुळे चोरट्यांचे फावले आहे.
