आरोपी स्वारगेट पोलीस कॉलनीमध्ये राहायला
marathinews24.com
पुणे – तरूणाला शस्त्राचा धाक दाखवून मारहाण करीत त्याच्याकडील साडेतीन हजारांची रोकड चोरून नेल्याची घटना २७ मे रोजी रात्री साडेअकराच्या सुमारास वानवडीतील भैरोबानाला परिसरातील एएफएमसी बसस्थानक परिसरात घडली आहे. याप्रकरणी वानवडी पोलिसांनी स्वारगेट पोलीस कॉलनीमध्ये राहणार्या रिक्षा चालकाविरूद्ध गुन्हा दाखल केला आहे. किसन सुरेश नुया (वय ३२, रा. स्वारगेट पोलीस कॉलनी आउट हाउस) याच्याविरूद्ध गुन्हा दाखल करण्यात आला आहे. फुलचंद राठोड (वय ३७, रा. वारजे माळवाडी ) यांनी फिर्याद दाखल केली आहे.
तरूणाला शेअर मार्केटचे आमिष पडले २६ लाखांना – सविस्तर बातमी
पोलिसांनी दिलेल्या माहितीनुसार, तक्रारदार राठोड वारजे माळवाडीत राहायला असून, २७ मे रोजी रात्री साडे अकराच्या सुमारास एएफएमसी बसस्थानक परिसरात थांबले होते. त्यावेळी त्याठिकाणी आलेल्या आरोपी किसन नुया याने त्यांना शस्त्राचा धाक दाखविला. मला पैसे दे नाहीतर तुला मी मारून टाकेल, अशी धमकी त्याने दिली. त्यानंतर आरोपीने राठोडला मारहाण करून जबरदस्तीने त्यांच्या खिशातील साडेतीन हजारांची रोकड चोरून नेली. याप्रकरणी पोलिसांनी सीसीटीव्ही फुटेजच्या मदतीने आरोपीचा ठावठिकाणा शोधला आहे. याप्रकरणी पोलीस उपनिरीक्षक आशिष जाधव तपास करीत आहेत.
