लष्कर पोलीस ठाण्यात गुन्हा दाखल
marathinews24.com
पुणे – गुंगीचे इंजेक्शन टोचून तरुणीवर बलात्कार केल्याची घटना घडली असून, याप्रकरणी लष्कर पोलिसांनी एकाविरुद्ध गुन्हा दाखल केला. पीडित तरुणीने लष्कर पोलीस ठाण्यात फिर्याद दिली आहे. तिने दिलेल्या फिर्यादीनुसार, मुसफ मुनीर खान (वय ३८, रा. रास्ता पेठ,) याच्याविरुद्ध गुन्हा दाखल केला आहे.
अखेर नीलेश चव्हाणला पोलिसांच्या ताब्यात – सविस्तर बातमी
पोलिसांनी दिलेल्या माहितीनुसार, आरोपी मुसफ खान हा पीडित तरुणीच्या ओळखीचा आहे. जानेवारी महिन्यात तो तरुणीला भेटला. तुझ्या आई-वडिलांचे भांडण झाले आहे, असे सांगून त्याने तरुणीला रिक्षातून अज्ञात ठिकाणी नेले. तरुणीच्या दंडावर इंजेक्शन दिले. त्यानंतर त्याने तिच्यावर बलात्कार केला. तरुणीची चित्रफीत तयार केली. या प्रकाराची कोणाला वाच्यता केल्यास जिवे मारु, अशी धमकी त्याने दिली.
त्यानंतर त्याने चित्रफीत पतीला पाठवू, अशी धमकी दिली. आरोपी खानच्या धमकीमुळे घाबरलेल्या तरुणीने लष्कर पोलीस ठाण्यात फिर्याद दिली. पोलीस उपनिरीक्षक भराड तपास करत आहेत.
