खंडणी विरोधी पथकाची कारवाई
marathinews24.com
पुणे – लूटमार करणाऱ्या सराइताला खंडणी विरोधी पथकाने सदाशिव पेठ परिसरातून अटक केली. सौरभ सागर परदेशी (वय २३, रा. जोशी वाडा, पूना हाॅस्पिटलसमोर, सदाशिव पेठ) असे अटक केलेल्याचे नाव आहे. सौरभ परदेशी आणि त्याचा भाऊ प्रणव परदेशी यांनी एकाला धमकावून लुटले होते. याप्रकरणी दोघांविरुद्ध विश्रामबाग पोलीस ठाण्यात गुन्हा दाखल केला होता.
मोलकरीणीने लांबवले साडेतीन लाखांचे दागिने लंपास – सविस्तर बातमी
खंडणी विरोधी पथकाकडून प्रकरणाचा तपास करण्यात येत होता. पसार झालेला सौरभ परदेशी हा नवी पेठेतील गांजवे चौक परिसरात येणार असल्याची माहिती खंडणी विरोधी पथकातील पोलीस कर्मचारी अमोल आवाड आणि मयूर भोकरे यांना मिळाली.
त्यानंतर सापळा लावून त्याला पकडण्यात आले. वरिष्ठ पोलीस निरीक्षक शैलेश संखे यांच्या मार्गदर्शनाखाली उपनिरीक्षक रामेश्वर पार्वे आणि पथकाने कारवाई केली.
