त्तमनगर पोलीस ठाण्यात गुन्हा दाखल
marathinews24.com
पुणे – किरकोळ वादातून रिक्षाचालकाने दुचाकीस्वार तरुणावर शस्त्राने वार केल्याची घटना एनडीए रस्त्यावरील शिवणे भागात घडली. याप्रकरणी पसार झालेल्या रिक्षाचालकाविरुद्ध गुन्हा दाखल करण्यात आला आहे. याबाबत एका तरुणाने उत्तमनगर पोलीस ठाण्यात फिर्याद दिली आहे.
विवाहाच्या आमिषाने ज्येष्ठाची १२ लाखांची फसवणूक – सविस्तर बातमी
पोलिसांनी दिलेल्या माहितीनुसार, तक्रारदार तरुण आणि मित्र हे शुक्रवारी (२० जून) रात्री साडेअकराच्या सुमारास दुचाकीवरुन शिवणे परिसरातून निघाले होते. सद्गुरु रेसीडन्सी सोसायटीसमोर रस्त्याच्या मधोमध रिक्षा लावण्यात आली होती. दुचाकीस्वार तरुणाने रिक्षाचालकाला रिक्षा बाजूला नेण्यास सांगितले. या कारणावरुन त्यांच्यात वाद झाला. रिक्षाचालकाने तरुणावर तीक्ष्ण शस्त्राने वार केले. पोलीस उपनिरीक्षक अतुल क्षीरसागर तपास करत आहेत.
