वारजे माळवाडी पोलीस ठाण्यात गुन्हा दाखल
marathinews24.com
पुणे – सोसायटीच्या आवारात लावलेले दुचाकी पेटवून देण्यात आल्याची घटना वारजे भागात घडली. या प्रकरणी एका तरुणा विरुद्ध गुन्हा दाखल करण्यात आला आहे.
याबाबत एका महिलेने वारजे माळवाडी पोलीस ठाण्यात फिर्याद दिली आहे. या प्रकरणी राजकमार इरन्ना सुतार (वय २७, रा. समर्थनगर, सिंहगड रस्ता) याच्या विरुद्ध गुन्हा दाखल करण्यात आला आहे.
लष्करासाठी साहित्य पुरविण्याच्या आमिषाने फसवणूक – सविस्तर बातमी
पोलिसांनी दिलेल्या माहितीनुसार, तक्रारदार महिला आणि तिचे पती वारजे-एनडीए रस्त्यावरील शिवणे भागात असलेल्या एका सोसायटीत राहायला आहेत. महिलेच्या पतीने सोसायटीच्या आवारात दुचाकी लावली होती. आरोपी सुतारने रविवारी मध्यरात्री तक्रारदार महिलेच्या पतीची दुचाकी ज्वलनशील पदार्थ ओतून पेटवून दिली. प्राथमिक चौकशीत आरोपीने वादातून दुचाकी पेटवून दिल्याची माहिती तपासात मिळाली आहे. पोलीस उपनिरीक्षक जगदाळे तपास करत आहेत.
विश्रांतवाडीतील धानोरी भागात एका सोसायटीत तरुणासाेबत वाद झाल्यानंतर त्याची दुचाकी पेटवून देण्याची घटना नुकतीच घडली होती. दुचाकीला आग लागल्यानंतर सोसायटीतील अन्य वाहनांना झळ पोहोचली होती .या प्रकरणी विश्रांतवाडी पोलिसांनी एकाला अटक केली होती.
