डेक्कन पोलीस ठाण्यात गुन्हा दाखल
marathinews24.com
पुणे – शहरातील डेक्कन परिसरातील गाडगीळ पुलाजवळ (झेड ब्रिज) तीन व्यक्तींनी एका व्यक्तीला मारहाण केली. यावेळी तिघांनी तक्रारदाराच्या तोंडावर दगड मारल्याने संबंधिताचे दात पडले. ही घटना २६ एप्रिलला सकाळी साडेअकराच्या सुमारास घडली. याप्रकरणी डेक्कन पोलीस ठाण्यात गुन्हा दाखल करण्यात आला आहे.
पुण्यात तरुणाचा खून करून पसार आरोपी सहा वर्षानंतर अटकेत – सविस्तर बातमी
पोलिसांनी दिलेल्या माहितीनुसार, तक्रारदार कोंढवा सासवड रस्त्यावर येवलेवाडी येथे राहतात. ते गाडगीळ पूल येथून जात असताना तिघांनी तक्रारदारास शिवीगाळ केली. तक्रारदाराने शिवीगाळ का करता अशी विचारल्याने, आरोपींनी त्यांना मारहाण केली. या मारहाणीत एका आरोपीने दगड उचलून त्यांच्या तोंडावर फेकला. यात तक्रारदाराचे चार दात पडले. तसेच, तक्रारदार तेथून निघून जात असताना काळा शर्ट घातलेल्या आरोपीने पुन्हा दगडाने हल्ला केला. हा दगड डाव्या डोळ्याच्या भुवईजवळ लागल्याने ते गंभीर जखमी झाले. या प्रकरणी पोलिसांनी गुन्हा नोंदवला असून आरोपींचा शोध सुरू आहे.
