उरळी देवाची परिसरातील घटना
marathinews24.com
पुणे – दारूच्या नशेत भरधाव मोटार तरूणाच्या अंगावर चढवून त्याला काही अंतर फरफटत नेले. त्यानंतर त्याच्या अंगावरून गाडी चालवून तरूणाला गंभीर जखमी केल्याने त्याचा मृत्यू झाला आहे. याप्रकरणी मद्यपी वाहन चालकाला फुरसुंगी पोलिसांनी अटक केली आहे. हा अपघात १२ एप्रिलला रात्री साडेबाराच्या सुमारास हडपसर सासवड रस्त्यावरील मामा भाजे हॉटेल समोर उरळी देवाची याठिकाणी घडला आहे.
पुण्यातील भवानी पेठेत वैमनस्यातून तरुणाचा खून – सविस्तर बातमी
सागर बाळासाहेब सायकर (वय ४१, रा. शेवाळवाडी ) असे ठार झालेल्याचे नाव आहे. याप्रकरणी कृष्णा गोपाळ कोईलवाड (वय ३०, रा. फुरसुंगी ) याला अटक करण्यात आली आहे. विजय तानाजी शिर्वेâ (वय ४१ रा. सातववाडी, हडपसर ) यांनी फुरसुंगी पोलीस ठाण्यात फिर्याद दाखल केली आहे.
पोलिसांनी दिलेल्या माहितीनुसार, कृष्णा कोईलवाड हा १२ एप्रिलला मध्यरात्री साडेबाराच्या सुमारास मद्यपान करून वाहन चालवित होता. त्यावेळी त्याने उरळी देवाची परिसरात सागर सायकर याला मोटारीची धडक देउन बोनटवर पाडले. त्यानंतर त्याने सागरला काही अंतर फरफटत नेउन खाली पाडले. त्यानंतर त्याच्या अंगावरून मोटार चालवून सागरच्या मृत्यूस कारणीभूत ठरला आहे. याप्रकरणी फुरसुंगी पोलिसांनी आरोपी कृष्णाला अटक केली आहे. पोलीस उपनिरीक्षक कोमल जाधव तपास करीत आहेत.
