पोलिसांकडून दोघे अटकेत
marathinews24.com
पुणे – टोळक्याने एका रिक्षा चालक तरुणाला बेदम मारहाण केल्याची घटना नुकतीच कोंढव्यात घडली. याप्रकरणी पोलिसांनी दोघांना अटक केली असून, त्यांच्याबरोबर असलेल्या साथीदारांविरुद्ध गुन्हा दाखल करण्यात आला आहे. मोहम्मद सोहेल उर्फ पंजाबी आजम खान (वय २५, रा. नवाजीश पार्क, कोंढवा) याने कोंढवा पोलीस ठाण्यात फिर्याद दिली आहे. त्यानुसार सहा जणांविरुद्ध गुन्हा दाखल करण्यात आला आहे. दोन आरोपींना अटक करण्यात आली आहे.
शाळकरी मुलाला धमकावून अत्याचार – सविस्तर बातमी
पोलिसांनी दिलेल्या माहितीनुसार, तक्रारदार मोहम्मद खान हा रिक्षा चालक आहे. पोलिसांनी दिलेल्या माहितीनुसार, रिक्षा चालक खान हा साळुंखे विहार रस्त्यावरील स्मशानभूमीजवळून निघाला होता. त्यावेळी आरोपींनी त्याला अडवून पट्ट्याने मारहाण केली. एका आरोपीने त्याला कोयत्याचा धाक दाखवून जिवे मारण्याची धमकी दिली. पसार झालेल्या दोघा आरोपींना अटक करण्यात आली असून, पसार साथीदारांचा शोध घेण्यात येत आहे. पोलीस उपनिरीक्षक महाडिक तपास करत आहेत.
बिबवेवाडीत बेकरी कामगाराला मारहाण
बिबवेवाडी भागात एका बेकरी कामगाराला दोघांनी मारहाण केल्याची घटना घडली. या प्रकरणी कुणाल वैराट, मंगेश माने (दाेघे रा. बिबवेवाडी गावठाण) यांच्याविरुद्ध गुन्हा दाखल करण्यात आला. याबाबत अर्श फैजुल अन्सारी (वय १७) याने बिबवेवाडी पोलीस ठाण्यात फिर्याद दिली आहे. अन्सारी हा बिबवेवाडी गावठाण परिसरातील एका बेकरीत कामाला आहे. १५ सप्टेंबर रोजी सायंकाळी किरकोळ कारणावरुन त्याचा आराेपींशी वाद झाला. आरोपींनी अन्सारीला मारहाण केली. दुकानातील वजन काटा फेकून मारला. त्यावेळी बेकरीतील कामगारांनी मध्यस्थी करण्याचा प्रयत्न केला. तेव्हा आरोपींनी कामगारांना मारण्याची धमकी दिली. पोलीस उपनिरीक्षक बाळू चोपडे तपास करत आहेत.
