आंबेगावमधील घटना; चौघे गजाआड
marathinews24.com
पुणे – वैमनस्यातून तरुणाला बेदम मारहाण करण्यात आल्याची घटना कात्रज भागातील आंबेगाव परिसरात घडली. त्यानंतर रस्त्यात थांबलेल्या एकाची दुचाकी घेऊन आरोपी पसार झाले. याप्रकरणी चौघांविरुद्ध गुन्हा दाखल करण्यात आला असून त्यांना अटक करण्यात आली आहे. याबाबत उमेश शिवाजी शिंदे (वय २६, रा. सयाजी इस्टेट, बेनकर वस्ती, धायरी) याने आंबेगाव पोलिस ठाण्यात फिर्याद दिली आहे.
अभियांत्रिकी प्रवेशाच्या आमिषाने २१ लाखांची फसवणूक – सविस्तर बातमी
गणेश उदय जाधव (वय २१, रा. कृष्णकुंज सोसायटी, स्वामी नारायण मंदिराजवळ, आंबेगाव) समीर दत्ता मरगळे (वय १९, रा. भोडे, ता. मुळशी), विशाल विश्वास किलजे (वय २१, रा. स्पर्श सोसायटी, नऱ्हे) गौरव गजानन जगताप (वय २०, रा. सूर्यव्हिला सोसायटी, नऱ्हे) यांच्याविरुद्ध गुन्हा दाखल केला आहे. जाधव, मरगळे, किलजे, जगताप यांना अटक करण्यात आली आहे.
पोलिसांनी दिलेल्या माहितीनुसार, तक्रारदार तरुण त्याच्या मित्रासह दुचाकीवरून २७ ऑक्टोबर रोजी आंबेगाव परिसरातून रात्री घरी निघाला होता. त्यावेळी आरोपींनी त्याला अडवले. जुना वाद मिटवून टाकू असे सांगून आरोपींनी शिंदे याच्याकडे पैशांची मागणी केली. त्यानंतर आरोपींनी शिंदे, त्याचा मित्र प्रदीप जोगदंडे यांच्यावर तीक्ष्ण शस्त्राने वार केले. आरोपींनी नाथसृष्टी सोसायटीच्या परिसरात थांबलेल्या दोघांनाही मारहाण करण्याचा प्रयत्न केला. या परिसरात थांबलेल्या एका तरुणाची दुचाकी घेऊन आरोपी पसार झाले. सहायक पोलीस निरीक्षक भोजलिंग तपास करत आहे.
