पिंपरी चिंचवडमध्ये २४० वाहन चालकांवर कारवाई
marathinews24.com
पिंपरी चिंचवड – नववर्षाच्या स्वागतानिमित्त नागरिकांकडून मोठ्या प्रमाणावर उत्सव साजरा केला जातो. कालावधीत काही वाहनचालक मद्यप्राशन करून वेगात व धोकादायकरित्या वाहने चालवित असल्याने जीवितास व मालमत्तेस धोका निर्माण होण्याची शक्यता असते. त्यापार्श्वभूमीवर अशा वाहन चालकांवर वेळीच प्रतिबंधात्मक कारवाई करण्यासाठी पोलीस आयुक्त विनय कुमार चौबे यांनी आदेश दिले होते.
मद्यधुंद तरुणाकडून हाॅटेलची तोडफोड – सविस्तर बातमी
पोलीस सह आयुक्त डॉ. राशीकांत महावरकर व अपर पोलीस आयुक्त सारंग आवाड यांच्या मार्गदर्शनाखाली पोलीस उपायुक्त विवेक पाटील यांच्या सूचनेनुसार पिंपरी-चिंचवड पोलीस आयुक्तालयाच्या हद्दीत वाहतूक शाखेमार्फत विशेष मोहिम राबविण्यात आली. पिंपरी-चिंचवड वाहतूक शाखेतील १३ वाहतूक विभागांमार्फत एकूण ४७ ठिकाणी नाकाबंदी करण्यात आली. नाकाबंदी दरम्यान मद्यप्राशन करून वाहन चालविणारे २२० दुचाकीस्वार व २० चारचाकी वाहनचालक, असे एकूण २४० वाहनचालक आढळून आले. संबंधित वाहन चालकांविरोधात न्यायालयात “ड्रंक अँड ड्राईव्ह” अंतर्गत खटले दाखल करण्यात येत आहेत.
यापुढेही अशाच प्रकारे विशेष मोहिमा राबविण्यात येणार असून वाहन चालकांनी मद्यप्राशन न करता वाहने चालवावीत व होणारी न्यायालयीन कारवाई टाळावी, असे आवाहन पोलीस उपायुक्त विवेक पाटील पिंपरी-चिंचवड यांच्यावतीने करण्यात आले आहे.
