खराडी पोलीस ठाण्यात गुन्हा दाखल
marathinews24.com
पुणे – शहरातील खराडी भागातील हाॅटेलमध्ये तोडफोड करणाऱ्या मद्यधुंद तरुणाला पोलिसांनी अटक केली. त्याने हाॅटेलमधील कामगाराला शिवीगाळ करून जिवे मारण्याची धमकी दिल्याची घटना घडली. आतिष बाळासाहेब भगत (वय ३२, रा. खराडी) याच्याविरुद्ध गुन्हा दाखल करण्यात आला आहे. हाॅटेलमधील कामगार नीरज कमलेश गौतम (वय १९, रा. पाटीलबुवानगर, खराडी) याने खराडी पोलीस ठाण्यात फिर्याद दिली आहे.
नायलाॅन मांजा बाळगल्याप्रकरणी तिघांविरुद्ध गुन्हा – सविस्तर बातमी
पोलिसांनी दिलेल्या माहितीनुसार, खराडीतील झेन्सार आयटी पार्क परिसरात एक हाॅटेल आहे. हे हाॅटेल इराणी चहासाठी प्रसिद्ध आहे. मंगळवारी (३० डिसेंबर) रात्री दहाच्या सुमारास हाॅटेलमध्ये आला. हाॅटेल उशिरापर्यंत का सुरू ठेवले, अशी विचारणा करून त्याने कामगार नीलेश गौतम याच्याशी वाद घालण्यास सुरुवात केली. त्याने हाॅटेल बंद करण्यास सांगितले. नीरजने हाॅटेलमालक नीलेश गुरव यांच्याशी संपर्क साधला. मद्यधुंद तरुणाने हाॅटेलमधील साहित्याची तोडफोड करून शिवीगाळ केली. घाबरलेल्या नीरजने या घटनेची माहिती गुरव यांना दिली. पोलिसांनाही कळविण्यात आले. त्यानंतर भगत याला ताब्यात घेण्यात आले. ससून रुग्णालयात त्याची वैद्यकीय तपासणी करण्यात आली. भगत याला अटक करण्यात आली असून, पोलीस उपनिरीक्षक सावन आवारे तपास करत आहेत.
