नऱ्हे पोलीस ठाण्यात गुन्हा दाखल
marathinews24.com
पुणे – घातक नायलाॅन मांजा बाळगल्या प्रकरणी नऱ्हे पोलिसांनी तीन तरुणांविरुद्ध गुन्हा दाखल केला. पोलीस कर्मचारी रमेश चव्हाण यांनी नऱ्हे पोलीस ठाण्यात फिर्याद दिली आहे. त्यांनी दिलेल्या फिर्यादीनुसार, संकेत विजय चव्हाण (वय १९,रा. घायरी, सिंहगड रस्ता), यश सुदाम कडलग (वय १९), अथर्व सतीश पारवडे (वय २१, दाेघे रा. नऱ्हे) यांच्याविरुद्ध गुन्हा दाखल करण्यात आला.
एबी’ फॉर्म गिळला, शिंदे गटाच्या उमेदवाराविरुद्ध गुन्हा – सविस्तर बातमी
पोलिसांनी दिलेल्या माहितीनुसार, संक्रातीला मोठ्या प्रमाणवर पतंगबाजी केली जाते. पतंगबाजीसाठी नायलाॅन मांजाचा वापर करण्याचे प्रकार गेल्या काही वर्षांपासून वाढले आहेत. नायलाॅन मांजामुळे दुचाकीस्वार, तसेच पादचाऱ्यांना गंभीर इजा झाल्याच्या घटना घडल्या होत्या. पशुपक्ष्यांना नायलाॅन मांजामुळे गंभीर इजा झाल्याच्या घटना घडल्या आहेत. यापार्श्वभूमीवर उच्च न्यायालयाने नायलाॅन मांजा बाळगणे, तसेच विक्रीवर बंदी घातली आहे. चव्हाण, कडलग, पारवडे यांच्याकडे नायलाॅन मांजा असल्याची माहिती पोलिसांना मिळाली. त्यानंतर पोलिसांनी त्यांच्याविरुद्ध कारवाई करुन नायलाॅन मांजाची रिळे जप्त केली. पोलिसांनी तिघांविरुद्ध पर्यावरण संक्षणक कायद्यान्वये गुन्हा दाखल केला. पोलीस हवालदार नरळे तपास करत आहेत.
