लाइफ पॉइंट मल्टिस्पेशालिटी हॉस्पिटल आणि संस्कार प्रतिष्ठान तसेच शहरातील विविध संस्थांच्या सहकार्याने उपक्रम राबिविला
marathinews24.com
पिंपरी – वाकड परिसरात तंबाखू विरोधी जनजागृती अभियान राबवण्यात आले. यावेळी सायकल फेरीद्वारे जनजागृती करण्यात आली. यासह वॉकेथॉनचे प्रभावीपणे आयोजन करण्यात आले. लाइफ पॉइंट मल्टिस्पेशालिटी हॉस्पिटल आणि संस्कार प्रतिष्ठान, पिंपरी चिंचवड यांच्या विद्यमाने तसेच पुणे व पिंपरी चिंचवड शहरातील विविध संस्थांच्या सहकार्याने हा उपक्रम राबवण्यात आला.
सेवानिवृत्तांचे आरोग्य शिबिर उत्साहात – सविस्तर बातमी
या फेरीत सहभागी झालेल्यांनी सायकलीला आणि हातात विविध स्लोगन्स असलेले फलक घेऊन तंबाखूविरोधी संदेश दिला. ‘‘तंबाखूचा घास,जीवनाचा नाश’’, ‘‘तंबाखूला नाही म्हणा, आरोग्याची नाती जोडा’’,‘‘तंबाखूचा त्याग करा,जीवनात आनंद भरा’’ अशा प्रभावी घोषणांमुळे संपूर्ण परिसरात जनजागृती करण्यात आली.
कार्यक्रमाचे उद्घाटन डॉ. राकेश नेवे यांच्या हस्ते करण्यात आले. त्यांनी आपल्या भाषणात तंबाखूचा मानवी आरोग्यावर होणारा घातक परिणाम याबाबत सविस्तर माहिती दिली. उपक्रमात सुमारे २०० नागरिकांनी सहभाग घेतला. यामध्ये प्रामुख्याने डॉ. ललितकुमार धोका, डॉ. मिलिंद सोनावणे, डॉ. प्रफुल्ल तामसकर, डॉ. शिवमूर्ती खंडाळकर, डॉ. मोनिका दहिवलकर, डॉ. प्राची हेंद्रे, डॉ. विनायक गवळी, डॉ. धनराज हेळंबे यांच्यासह संस्कार प्रतिष्ठानचे मोहन गायकवाड उपस्थित होते.
