खुनाचा प्रयत्न केल्याप्रकरणी अल्पवयीनासह चौघे ताब्यात
marathinews24.com
पुणे – वैमनस्यातून अल्पवयीनावर तीक्ष्ण शस्त्राने वार करण्यात आल्याची घटना कात्रजमधील अंजनीनगर परिसरात घडली. खुनाचा प्रयत्न केल्याप्रकरणी अल्पवयीनासह चौघांना ताब्यात घेण्यात आले. ऋषभ महेश सतवे (वय १७, रा. गंधर्व लाॅनजवळ, कात्रज) असे गंभीर जखमी झालेल्याचे नाव आहे. याप्रकरणी अल्पवयीनासाह चौघांना ताब्यात घेण्यात आले आहे. याबाबत ऋषभ याने आंबेगाव पोलीस ठाण्यात फिर्याद दिली आहे.
अनैतिक संबंधाच्या संशयातून महिलेला बेदम मारहाण – सविस्तर बातमी
पोलिसांनी दिलेल्या माहितीनुसार, ऋषभ आणि अल्पवयीनात काही दिवसांपूर्वी वाद झाला होता. ३० डिसेंबर रोजी ऋषभ सायंकाळी सहाच्या सुमारास अंजनीनगर भागातून निघाला होता. त्यावेळी अल्पवयीन आणि त्याच्याबरोबर असलेल्या साथीदारांनी त्याला गाठले. त्याच्यावर तीक्ष्ण शस्त्राने वार केले. या घटनेची माहिती मिळताच पोलिसांनी घटनास्थळी धाव घेतली. ऋषभला तातडीने रुग्णालायत दाखल करण्यात आले. पसार झालेल्या अल्पवयीनासह साथीदारांना पोलिसांनी ताब्यात घेतले. पोलीस उपनिरीक्षक फिरोज मुलाणी तपास करत आहेत.
हडपसरमधील काळेपडळ परिसरातून तरुणाचे अपहरण करून वैमनस्यातून त्याचा खून करण्यात आल्याचा धक्कादायक घटना ३० डिसेंबर रोजी घडली. प्रसाद वीरभद्र देवज्ञे (वय २१, रा. चिखले वाडा, नंदुरवेस गल्ली, परळी, जि. बीड) असे खून झालेल्याचे नाव आहे. या प्रकरणी किरण भैरू चव्हाण (वय ३२), रोहित भरत गायकवाड (वय १८, दोघे रा. हडपसर) यांना अटक करण्यात आली. आरोपींबरोबर असलेल्या एका अल्पवयीनाला पोलिसांनी ताब्यात घेतले. चव्हाण आणि गायकवाड यांच्याबरोबर असलेल्या साथीदारांविरुद्ध गुन्हा दाखल करण्यात आला आहे. अल्पवयीनांकडून गंभीर गुन्हे करण्याचे प्रमाण वाढले आहे. वर्षभऱात ७०० हून जास्त अल्पवयीनांना ताब्यात घेण्यात आले आहे.
